Aquíridos

Aquíridos Achiridae
Achirus lineatus
Clasificación científica
Reino: Animalia Filo: Chordata Subfilo: Vertebrata Clase: Actinopterygii Subclase: Neopterygii Infraclase: Teleostei Superorde: Acanthopterygii Orde: Pleuronectiformes Suborde: Pleuronectoidei Familia: Achiridae Rafinesque, 1815 [1]
Xéneros, especies e subespecies
Véxase o texto

A dos aquíridos (Achiridae) é unha familia de peixes osteíctios da orde dos pleuronectiformes e suborde dos pleuronectoideos que abrangue preto de 35 especies distribuídas en 9 xéneros propias das augas doces e salgadas de ambas as Américas.

Estes peixes planos están estreitamente relacionadas cos da familia dos soleidos (linguados), e en tempos pasados foron clasificados como unha subfamilia desta, aínda que teñen un unha serie de características distintivas que xustifican a súa actual colocación nunha familia propia. A isto alude o seu nome vulgar inglés de american soles (liguados americanos).

Ambos os ollos están situados no lado dereito do corpo, que é de forma ovalada ou arredonda visto lateralmente, incluíndo as aletas.
O labio inferior do lado cego ou depigmentado ten un bordo carnoso, reforzado por unha cartilaxe interna, o que é un carácter distintivo da familia.
As aletas dorsal e anal está xeralmente separadas da aleta caudal.
As aletas pectorais son moi pequenas ou están ausentes (ao que alude o seu nome científico).
A aleta dorsal esténdese cara a adiante até rodear todo o maxilar superior.^[2]

Son peixes bastante pequenos, xa que o tamaño medio das especies duns 15 cm, sendo as especies de río de maior tamaño que as mariñas.^[2] Tan só Achirus achirus supera os 30 cm de lonxitude.^[3]

A familia foi descrita por primeira vez polo naturalista estadounidense de orixe franco-xermana-italiana Constantine Samuel Rafinesque.^[1]

Na actualide recoñécense dentro da familia os seguintes xéneros:^[1]

• Achiropsis Steindachner, 1876
• Achirus Lacépède, 1802
• Apionichthys Kaup, 1858
• Catathyridium Chabanaud, 1928
• Gymnachirus Kaup, 1858
• Hypoclinemus Chabanaud, 1928
• Pnictes Jordan, 1919
• Soleonasus Eigenmann, 1912
• Trinectes Rafinesque, 1832

Porén, diversos autores recoñecen só 6 xéneros (con 33 especies),^[4][5] e outros, 7.^[6]

O nome científico Achiridae está formado pola raíz do latín científico Achir-, derivada do termo do grego antigo άχειρος ácheiros,^[7] "sen mans" (de α- a- elemento privativo, e χείρ cheír,^[8] "man"), e a desinencia ´-idae, propia dos nomes das familias de animais. Literalmente: "os mancos", aludindo á brevidade ou ausencia das aletas pectoriais destes peixes.

Wikimedia Commons ten máis contidos multimedia na categoría:  Aquíridos

• Burton, Maurice & Robert Burton (1984): Encyclopedia of Fish. Saint Louis, EE.UU: BPC Publishing. ISBN 0-7064-0393-2.
• Eschmeyer, William N., ed. (1998): Catalog of Fishes. Special Publication of the Center for Biodiversity Research and Information, núm. 1, vol. 1-3. San Francisco (California, Estados Unidos): California Academy of Sciences. ISBN 0-940228-47-5.
• Nelson, Joseph S. (2006): Fishes of the World. Nova York: John Wiley & Sons, Inc. ISBN 0-471-25031-7.
• Van der Laan, R.; W. N. Eschmeyer & R. Fricke (2014). "Family-group names of Recent fishes". Zootaxa Monograph 3882 (1): 1–230. doi:10.11646/zootaxa.3882.1.1. 

• Teleósteos
• Pleuronectiformes

• Achiridae. American soles na ADW.
• Achiridae na EOL. Contén informacións, numerosas imaxes e mapas de distribuución. (en inglés)