Abelmosco
| Abelmosco | |||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|
 Na imaxe unha Abelmoschus manihot | |||||||||||||||||||
| Clasificación científica | |||||||||||||||||||
| |||||||||||||||||||
| especies | |||||||||||||||||||
|
Ver texto. | |||||||||||||||||||
Os abelmoscos son plantas cormófitas da familia das malváceas orixinarias da África tropical, Asia e Australia setentrional. Antigamente incluídas no xénero Hibiscus, actualmente forman un xénero propio: Abelmoschus.
O xénero contén especies anuais e perennes de porte herbáceo, que acadan os dous metros de altura. As follas teñen un largo de 10 a 40 centímetros, con de tres a sete lóbulos. As flores teñen diámetros de catro a oito centímetros, con pétalos xeralmente brancos ou amarelos, a miúdo cunha mancha escura na base de cada un deles. O froito é unha cápsula, de cinco a 20 centímetros de lonxitude, que contén múltiples sementes.
Serven de alimento ás larvas dalgúns lepidópteros, incluíndo Chionodes hibiscella (atopada en A. moschatus).
Etimoloxía
[editar | editar a fonte]Do árabe أبو المسك (abu-l-misk, "pai do almiscre"), nome dado polo alemán Friedrich Kasimir Medikus en 1787 cando describiu o xénero por primeira vez, observando caracteres diferenciais en estilos e estigmas (fronte a Hibiscus).
Usos
[editar | editar a fonte]Varias especies teñen follas e vaíñas comestibles. A especie de maior interese comercial é A. esculentus. Abelmoschus manihot proporciona filamentos comparables aos do xute (Corchorus capsularis), mentres que A. moschatus é fonte de almiscre.
Algunhas especies
[editar | editar a fonte]- Abelmoschus caillei - (syn. Hibsicus manihot var. caillei).
- Abelmoschus esculentus - (syn. Hibiscus esculentus).
- Abelmoschus ficulneus - (syn. Hibiscus ficulneus).
- Abelmoschus manihot - (syn. Hibiscus manihot).
- Abelmoschus moschatus - (syn. Hibiscus abelmoschus).
Galería
[editar | editar a fonte]
Notas
[editar | editar a fonte]- ↑ "Abelmoschus". Germplasm Resources Information Network. United States Department of Agriculture. 2007-03-12. Arquivado dende o orixinal o 23 de setembro de 2015. Consultado o 2009-02-20.
