Cancún (do maiakaan kun: niño de cobras), é unha cidade de México, localizada na costa nordés da península do Iucatán, no estado de Quintana Roo e capital do concello de Benito Juárez. É un importante centro turístico internacional, recoñecido pola OMT.[1]. A súa poboación era de 628.306 habitantes en 2010.
Existen dúas versións sobre a orixe do nome, dependendo da pronuncia maia: a primeira versión é «niño de serpes» e a segunda versión, menos aceptada, é o «lugar da serpe dourada». Isto débese a que a illa de Cancún ten forma de "7", e no amencer aseméllase á forma dunha serpe dourada, polo reflexo do Sol.[2]
