Cabaleiros con aquel

Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde agosto de 2014.)

Cabaleiros con aquel
Xénero	sitcom
Creado por	Jeremy Dyson, Mark Gatiss, Steve Pemberton, Reece Shearsmith
Dirixido por	Steve Bendelack
Intérpretes	Mark Gatiss, Steve Pemberton, Reece Shearsmith
País de orixe	Reino Unido
Lingua(s)	inglés
Temporadas	3
Episodios	19
Produción
Duración	30-60 min
Emisión orixinal
Canle de orixe	BBC Two
Primeiro episodio	11 de xaneiro de 1999
Derradeiro episodio	31 de outubro de 2002
Na rede
https://www.bbc.co.uk/programmes/b006t8d1
[ editar datos en Wikidata ]

Cabaleiros con aquel^[1] foi unha comedia producida pola BBC do ano 1999 e emitida pola TVG no ano 2001 e reemitida no 2006 protagonizada por The league of gentlemen, un cuarteto de humoristas formado en 1995 por Jeremy Dyson, Mark Gatiss, Steve Pemberton e Reece Shearsmith, e que colleron sona con ela.

Trátase dunha sitcom ambientada nunha pequena vila inglesa do interior. Contén elementos de terror e humor inglés, e segue as vidas de decenas de habitantes bizarros da cidade, interpretados por Gatiss, Pemberton e Shearsmith, usando para iso unha serie de disfraces e maquillaxes. A serie de televisión foi filmada principalmente en Hadfield, pero tamén en Glossop, Gamesley, Marsden, Mottram, Hope Valley (Derbyshire) e Todmorden.

O argumento principal comezaba en torno á construción dunha estrada pola vila de Roston Vasey, pero logo seguía con outros marcos argumentais acerca das relacións entre as distintas personaxes, seguindo a vida dos excéntricos habitantes desta vila, parodiando actos cotiás e mesmo típicas escenas do cinema de terror dos 80.