Pape
 |
Un ringraziament al va a cui che al à scrit chest articul.
Dut câs il test nol è scrit inte grafie normalizade; se tu puedis, modifiche la pagjine seont lis regulis che tu cjatis ca. |
Il Pape a l'è il vescul di Rome e la pui alte carghe religjôse da Glesie Catoliche. Al pos iessi clamât ancje cui titui di "Pâri sant", "Sô santitât" opur dome cun "Santitât".
Seont il dirit canonic a l'è il "Sorestant dal consei dai vescui, il vicjari di Crist e Pastôr da Glesie universâl; duncje a l'à il podei ordenari massim, plen, imediât e universâl da Glesie, podei cal pòs simpri doprâ in maniere libare"[1] e, dopo dai Pats di Lateran, ancje il sovran assolût dal "Stât da Citât dal Vatican"[2].
A l'è elet di une assemblee di cardinâi, ca sielgin di un tra di lôr cui fâ diventâ Pape [3].
La sô particolâr impuartance ta Glesie Catoliche a esist parcè ch'al è considerât il sucessôr di San Piêri che, seont la tradizion cristiane, Crist a i à dât il compit di guidâ la Glesie e par chest, San Pieri al varès, in efiets, diret la comunitât cristiane di Rome, diventant il prin vescul e murint achì.
Il pape atuâl al è Pape Francesc (Jorge Mario Bergoglio), diventât, cul 13 di març dal 2013, il 266esin pape ta storie da Gleisie[4].
Etimologjie e storie dal titul
[cambie | modifiche il codiç]Pape, a è une traduzion da peraule taliane "Papa". Cheste, però, no si è inmò dal dut sigûrs di dulà cal vegni; las dôs posibilitâs pui probabiles a son: cal derivi dal aramaic "אבא" (abbà, pâri), ca l'ere cemût che las primes comunitâs di cristians a clamavin i lôr vescui, e dato che chescj a clamavin i lôr patriarcjis ta stesse maniere, cul pasâ dal timp la int a à tacât a dâ l'apelatîf baba (βαβα) o papa (παπα) al Patriarcjie di Alessandrie e, a la fin, a chel di Rome[5] o cal derivi di πάπ(π)ας (pap(p)as), ca l'ere un mût dropât tas famees par dî "pâri", e che comunque al sêti pasât tal inprin par chel di Alessandrie e dopo par chel di Rome. A samein mancul credibiles, invesit, las etimologjies ca viodin "Papa" come acronimos di "Petri Apostoli Potestatem Accipiens" (chel cal cjape il podei dal apuestul Pieri) o di "Pater Patrum" (pâri dai parîs)[6]
Pape, però, a nol'è dome il vescul di Rome, ma al'è doprât ancjimò ancje pal Patriarcjie di Alessandrie dai Coptis e par chel grêc-ortodos.
Impuartance dal pape tas Glesies Cristianes
[cambie | modifiche il codiç]Il pape, come ca si scriveve al inizi, a è la pui alte carghe religjôse ta Glesie Catoliche e par chest a l'à autoritât su la Diocesi di Rome e "Su dutes las Glesies in particolâr e su ducj i lôr ragrupaments"[7].
In ta Glesie ortodosse, al pape (come vescul di Rome) no l'è dât un particolâr podei di decidi o di "comandâ", ma dome pui onôr e impuartance di chei atrîs.
In ta Glesie protestante, invesit, a no i dan nissune particolâr impuartance, parce ca no lu ritegnin conformi a las Scritures
Riferiments
[cambie | modifiche il codiç]- ↑ https://www.vatican.va/archive/cod-iuris-canonici/ita/documents/cic_libroII_331-335_it.html#CAPITOLO_I
- ↑ https://www.vatican.va/roman_curia/secretariat_state/archivio/documents/rc_seg-st_19290211_patti-lateranensi_it.html
- ↑ Can. 349 dal dirit Canonic https://www.vatican.va/archive/cod-iuris-canonici/ita/documents/cic_libroII_349-359_it.html#CAPITOLO_III
- ↑ https://www.treccani.it/enciclopedia/papa-francesco
- ↑ https://www.etimo.it/?term=papa
- ↑ https://www.etimoitaliano.it/2014/05/papa.html
- ↑ Comma 1 dal Can. 333 dal Dirit Canonic https://www.vatican.va/archive/cod-iuris-canonici/ita/documents/cic_libroII_331-335_it.html#CAPITOLO_I