Prowins Sleeswich-Holstian/fe

Tekst üüb Fering

At Prowins Sleeswich-Holstian wiar faan 1868 tu 1946 en prowins faan Preussen. Det kaam faan't Hertoochdoom Sleeswich an't Hertoochdoom Holstian, wat uun de Naist Sleeswich Krich faan Denemark faan Preussen an Uasterrik nimen wurd. A hertoochdoomen wurd do faan dön tau lunen tup ferwaltet. Üüs Preussen 1866 en krich jin Uasterrik woon, wurd jo bluat faan detheer lun ferwaltet an de 17. Janewoore 1867 wurd a hertoochdoomen amtelk faan Preussen anektiaret („Patent wegen Besitznahme der Herzogtümer Holstein und Schleswig“). De 23. Jüüne 1876 wurd at Hertoochdoom Saksen-Lauenborig faan Preussen uk anektiaret an tu liker tidj wurd det dial faan't Prowins Sleeswich-Holstian.

Efter de Iarst Wäältkrich wiar tau folksufstemingen an fäält at nuurddial faan't prowins tu Denemark. Efter de Naist Wäältkrich wiar't prowins dial faan't besaatingssoon faan det Ferianigt Köningrik, man hög gemeenden uun a uast faan Ratzeburg wurd dial faan't besaatingssoon faan't Sowjetunioon. At dial faan't prowins uun det britisk besaatingssoon wurd de 23. August 1946 det nei bundeslun Sleeswich-Holstian, wat de 23. Mei 1949 dial faan't Bundesrepubliik Tjiisklun wurd.

Lunsdial Sleeswich

Stadtkreiser:

• Steedkreis Flensborig (faan 1889, tuföören dial faan a Kreis Flensborig)

Lunkreiser:

• Kreis Apenrade (tu 1920)
• Kreis Eckernförde
• Kreis Eidersteed (1932-1933 tup mä a Kreis Hüsem üüs a Kreis Hüsem-Eidersteed)
• Kreis Flensborig (faan 1889 Lunkreis Flensborig)
• Kreis Hadersleben (tu 1920)
• Kreis Hüsem (1932-1933 tup mä a Kreis Eidersteed üüs a Kreis Hüseum-Eidersteed)
• Kreis Sleeswich
• Kreis Sonderburg (tu 1920)
• Kreis Süüdtondern (faan 1920)
• Kreis Tondern (tu 1920)

Lunsdial Holstian

Steedkreiser:

• Steedkreis Altona (tu 1937, do dial faan Hamborig)
• Steedkreis Kiel (faan 1883, tuföören dial faan a Kreis Kiil)
• Steedkreis Lübeck (faan 1937)
• Steedkreis Neimünster (faan 1901, tuföören dial faan a Lunkreis Kiil)
• Steedkreis Wandsbek (faan 1901, tuföören dial faan a Kreis Stormarn, efter 1937 dial faan Hamborig)

Lunkreiser:

• Kreis Bordesholm (1907–1932; tuföören faan a Kreis Kiil; diarefter dial faan a Kreiser Rendsborig, Segeberig an Plöön)
• Kreis Dithmarschen (1932–1933; tuföören an diarefter dial faan a Kreiser Norder- an Süderdithmarschen)
• Kreis Eutin (faan ab 1937; tuföören dial faan a Freistoot Oldenborig)
• Kreis Halilun (1922–1932; tuföören dial faan a Kreis Süderdithmarschen; diarefter dial faan a Kreis Pinneberg)
• Kreis Hertoochdoom Lauenborig (faan 1876)
• Lunkreis Kiil (tu 1907; diarefter Kreis Bordesholm)
• Kreis Norderdithmarschen (1932–1933 mä a Kreis Süderdithmarschen ferianigt)
• Kreis Oldenborig uun Holstian
• Kreis Pinneberig
• Kreis Plöön
• Kreis Rendsborig
• Kreis Segeberig
• Kreis Stianborig
• Kreis Stormarn
• Kreis Süderdithmarschen (1932–1933 mä a Kreis Norderdithmarschen ferianigt)

At hood faan't prowins wiar a boowerpresidenten:

• 1867–1879: Carl von Scheel-Plessen
• 1879–1880: Karl Heinrich von Boetticher
• 1880–1896: Georg von Steinmann
• 1897–1901: Ernst von Köller
• 1901–1906: Kurt von Wilmowsky
• 1906–1907: Kurt von Dewitz
• 1907–1914: Detlev von Bülow
• 1914–1918: Friedrich von Moltke
• 1919–1932: Heinrich Kürbis, SPD
• 1932–1933: Heinrich Thon
• 1933–1945: Hinrich Lohse, NSDAP
• 1945: Otto Hoevermann
• 1945–1946: Theodor Steltzer, CDU