Dongeradiel

Tekst üüb Fering

Dongeradiel (Ütjspriik üüb Frysk: [doŋəradi.əl]; üüb Holuns: Dongeradeel) wiar ian faan dön twuntig gemeenden faan Waastfresklun. At gemeend leit uun a nuurduast faan't prowins. Tu a nuurdwaast leit It Amelân an tu a nuurduast Skiermûntseach, wat so wel tau gemeenden üüs uk eilunen uun det Waastfresk Heef san. Uun a nuurduast leit a Lauwersmar, uun a süüduast at gemeend Kollumerlân, uun a süüdwaast Dantumadiel an uun det waast Ferwerderadiel. Det hee 23.901 lidj (2017)^[1]. At hoodsteed faan't gemeend as Dokkum.

Tau sunbeenken hiart tu't gemeend: De Kalkman an It Rif. Jo lei twesken It Amelân an Skiermûntseach.

Steeden an taarpen uun't gemeend san:

#	Waastfresk	Holuns	#	Waastfresk	Holuns	Topograafisk Koord
1	Boarnwert	Bornwird	15	Jouswier	Jouswier
2	Brantgum	Brantgum	16	De Lytse Jouwer	Hiaure
3	Dokkum	Dokkum	17	Ljussens	Lioessens
4	Ealsum	Aalsum	18	Mitselwier	Metslawier
5	Eanjum	Anjum	19	Moarre	Morra
6	Easternijtsjerk	Oosternijkerk	20	Moddergat	Moddergat
7	Eastrum	Oostrum	21	Nes	Nes
8	Foudgum	Foudgum	22	Nijewier	Niawier
9	Hantum	Hantum	23	Peazens	Paesens
10	Hantumerútbuorren	Hantumeruitburen	24	Raard	Raard
11	Hantumhuzen	Hantumhuizen	25	Ternaard	Ternaard
12	Holwert	Holwerd	26	Waaksens	Waaxens
13	Ie	Ee	27	Wetsens	Wetsens
14	Ingwierrum	Engwierum	28	Wierum	Wierum

Det Noardhoeksk spriikwiis faan Waastfresklun wurd uun't gemeend spreegen. Det Dokkumersk, wat en spriikwiis faan Stedsk (en skööl faan Waastfresk-Holuns mischspriikwiisen) as, wurd uun't steed Dokkum spreegen.

Dongeradiel wurd 1. Janewoore 2019 dial faan det nei-grünlaanjen gemeend Noardeast-Fryslân.

1. ↑ citypopulation.de

• Noardeast-Fryslân