Klaus Mann

Klaus Heinrich Thomas Mann (Munich, 1906ko azaroaren 18a - Cannes, 1949ko maiatzaren 21a) alemaniar idazlea izan zen.

Klaus Mann
Irudi gehiago
Bizitza
Jaiotza	Munich, 1906ko azaroaren 18a
Herrialdea	Alemaniar Inperioa  (1906 -  1918)  Weimarko Errepublika  (1919 -  1933)  Hirugarren Reicha  (1933 -  1943)  Ameriketako Estatu Batuak  (1943 -
Bizilekua	Munich Bavaria
Heriotza	Cannes, 1949ko maiatzaren 21a (42 urte)
Hobiratze lekua	Cannes (Grand Jas) Cemetery (en)
Heriotza modua	suizidioa: droga-gaindosia
Familia
Aita	Thomas Mann
Ama	Katia Mann
Haurrideak	ikusi Monika Mann Elisabeth Mann-Borgese Erika Mann Golo Mann Michael Mann
Familia	ikusi Heinrich Mann (osaba) Viktor Mann (osaba)
Hezkuntza
Heziketa	Wilhelmsgymnasium (en)
Hizkuntzak	alemana ingelesa
Jarduerak
Jarduerak	idazlea, itzultzailea, gidoilaria, literatura-kritikaria, kazetaria, eleberrigilea, poeta, autobiografialaria eta ipuingilea
Influentziak	Thomas Mann
Genero artistikoa	antzerkia autobiografia
Zerbitzu militarra
Adar militarra	Ameriketako Estatu Batuetako Armada
Parte hartutako gatazkak	Bigarren Mundu Gerra

Thomas Mannen semea, Heinrich Mannen iloba, Erika Mannen neba eta Golo Mannen anaia izan zen. Aita luteranoa zen eta ama judua. 1924an istorio laburrak idazten hasi zen eta hurrengo urtean antzerki-kritika egin zuen Berlingo egunkari batean. Bere homosexualitateak aitarekiko harremanak estutu zituen, baina oso lotuta egon zen Erika arrebarekin. Gaztetatik droga-mendekotasuna izan zuen, batez ere opiazeoena.

Erregimen naziaren aurka, 1933an Alemaniatik ihes egin zuen. Estatu Batuetara bidaiatu zuen, 1943an nazionalizatu zen eta Bigarren Mundu Gerran parte hartu zuen Estatu Batuetako armadan.

Erbesteko alemaniar literaturan paper garrantzitsua izan zuen, baina Alemanian geratu ziren autore alemanekin ere korrespondentzia izan zuen.

Bere eleberririk ospetsuena, Mephisto, Amsterdamen argitaratu zen 1936an eta Alemanian debekatuta egon zen 1981 arte.

Mannek 1949an bere buruaz beste egin zuen pilula somniferoen gaindosi baten bidez.