Musika-tresna musika egiteko balio duen objektu bat da. Batzuetan instrumentuek, musika egiteko baino, giroa sortzeko, jolasteko edo abisuak emateko balio dute; horregatik, soinu-tresna ere esaten diegu.

Instrumentuak era askotara sailka daitezke, baina musikologian hotsa sortzeko moduaren arabera sailkatzen dira, honako talde hauetan:

• Aerofonoak airea bibraraztean hotsa ematen dutenak dira. Askotan haize-instrumentu ere esaten zaie. Txistua, klarinetea, akordeoia eta burruna, adibidez, haize instrumentuak dira. Talde honetako tresnak batzuetan haien materialaren arabera ere sailkatzen dira, adibidez, metalezkoak edo zurezkoak.

• 
  Txistua
• 
  Flauta
• 
  Txulubita (abrikot hezurra)
• 
  Alboka
• 
  Gaita nafarra (dultzaina)
• 
  Soinu txikia
• 
  Bonbardinoa

• Hari instrumentuak edo kordofonoak haria bibraraztean hotsa ematen dutenak dira. Hariak kolpatu, pultsatu edo igurtzi daitezke. Ttun-ttuna, gitarra, biolina eta pianoa talde honetakoak dira.

• 
  gitarra
• 
  biolina
• 
  arrabita
• 
  Pianoa
• 
  Ttun-ttuna

• Menbranofonoak mintz bat bibraraztean hotsa ematen dutenak dira. Adibidez, panderoa, danborra, zanbonba edo turuta.

• Menbranofono batzuk
• 
  Atabal
• 
  Pandero
• 
  Danbolin
• 
  Zanbonba
• 
  Turuta (orrazia)

• Idiofonoak: tresnaren gorputza bera bibraraztean hotsa ematen dutenak dira. Esaterako, txalaparta, kastainetak, kanpaiak edo musugitarra.

• 
  Txalaparta
• 
  Kastainetak
• 
  Ezkila
• 
  Igurtzitako botila
• 
  Musugitarra

Musika-tresna batzuk oso aspaldikoak dira eta ez dago jakiterik noiz, non edota nork asmatu zituen. Beste batzuk ordea, berriagoak dira eta egile jakin bat dute. Hau da saxofoiaren kasua: XIX. mendean asmatu zuen Adolph Sax-ek.

Orkestra modernoetan musika-tresnak sailkatzeko beste erak dituzte. Adibidez, perkusio taldea dute: bertan idiofonoak zein menbranofonoak aurki ditzakegu.