Whatever Works

Whatever Works
Jatorria
Argitaratze-data	2009
Izenburua	Whatever Works
Jatorrizko hizkuntza	ingelesa
Jatorrizko herrialdea	Ameriketako Estatu Batuak
Banatze bidea	eskatu ahalako bideo
Ezaugarriak
Genero artistikoa	komedia erromantikoa
Iraupena	92 minutu
Kolorea	koloretakoa
Grabazio lekua(k)	New York
Zuzendaritza eta gidoia
Zuzendaria(k)	Woody Allen
Gidoigilea(k)	Woody Allen
Antzezlea(k)
Larry David Evan Rachel Wood Patricia Clarkson Henry Cavill Ed Begley, Jr. Conleth Hill Michael McKean Jessica Hecht Aleksander Krupa (en) Adam Brooks John Gallagher, Jr. Yolonda Ross Armand Schultz Samantha Bee Carolyn McCormick [[Kategoria:Aleksander Krupa (en) antzeztutako filmak]]
Ekoizpena
Ekoizlea	Letty Aronson
Edizioa	Alisa Lepselter (en)
Ekoizpen-diseinatzailea	Santo Loquasto
Bestelako lanak
Musikagilea	Cliff Eidelman (en)
Argazki-zuzendaria	Harris Savides
Fikzioa
Kontakizunaren tokia	New York
sonyclassics.com…

Whatever Works (euskaraz Baldin badabil) Woody Allenek zuzendu eta idatzitako 2009ko filma da. Bere antzezle nagusiak Larry David, Evan Rachel Wood eta Patricia Clarkson dira. 2009ko apirilaren 22an Tribecako Zinemaldian estreinatu zen, Estatu Batuetan komerzialki berriz ekainaren 19an estreinatu zen^[1].

Filma honetan Larry David aktoreak Woody Allen zuzendariaren nolabaiteko alter egoa antzezten du. Bere pertsonaia Boris Yellnikoff da, umore txarreko misantropoa, honek ustekabean hegoaldeko neska gazte bat ezagutu (Evan Rachel Woodek antzeztua) eta berarekin erabat bitxia izango den maitasun-harremana bati hasiera emango dio, nahiz eta neskaren gurasoek (Ed Begley eta Patricia Clarkson) harreman honi oztopo ugari jarri. Yellnikoffek izu-ikara krisiak jasan ohi ditu, bere burua jeinu buruargitzat du, mekanika kuantikoko Nobel Saria irabazteko puntu-puntuan egon zen. Bere buruaz kontzeptu ezin hobea du eta gainontzeko gizakiekiko iritzi erabat ezkorra.

• Larry David, Boris Yellnikoff antzeztuz.
• Evan Rachel Wood, Melodie St. Ann Celestine.
• Patricia Clarkson, Marietta.
• Ed Begley, John.
• Henry Cavill, Randy James.

1970eko hamarkadako gidoi batean oinarritua dago, antzele nagusia izango zen Zero Mostel aktorearen heriotza ondoren Allenek proiektua txokoratu eta zenbait hamarkadetan zehar aktore egokia topatzeko zain egon zen. Nahiz eta zuzendari eta gidoilariak pertsonaia nagusia beregan oinarritua ez dagoela esan ("Baina Boris sortu dudan pertsonaia da. Ez naiz berarekin zehazki identifikatzen, nere sentipenen muturreko gehiegikeria da"), bien arteko parekotasunak nahiko nabariak dira.

2004ko Melinda and Melinda filmaren ostean, Whatever Works estatubatuar lurrean filmatu duen lehenbiziko filma da, zehazki esateko bere jaiolekua den New York hirian^[2]

Bere estreinaldia 2009ko apirilaren 22an Tribecako zinemaldian izan zen, irekiera ekitaldiko filma izan zelarik, bere mundu mailako estreinaldia 2 hilabete geroago izan zen, ekainaren 19an, nahiz eta modu mugatuan izan: 9 antzokietan soilik, bere lehenengo astean 266.162 dolarretako etekinak lortuaz.

2009ko abuztuaren 9ko egunean hamaika milioi dolarretako irabaziak bereganatuak zituen.

Hauek estreinaldi data garrantzitsuenetako batzuk dira:

• Estreinaldia: 2009ko apirilaren 22a (Tribecako Zinemaldia).
• Estatu Batuak: 2009ko ekainaren 19a.
• Ipar Euskal Herria: 2009ko uztailaren 1a.
• Hego Euskal Herria: 2009ko urriaren 2a.

Soinu banda Razor & Tie diskoetxeak 2009ko ekainaren 30ean kaleratu zuen, musika klasikoa eta 1930 eta 1940. hamarkadako jazz eta swing musiken nahasketa bat da, amaieran Larry David musikariak "Zorionak Zuri" abestia abesten duelarik^[3].

1. "Hello I Must Be Going", Groucho Marx and Cast.
2. "Salty Bubble", Tom Sharpsteen and His Orlando.
3. "Butterfly By", Heinz Kiessling.
4. "Honeymoon Swoon", Werner Tautz.
5. "If I could be With You", Jackie Gleason.
6. "Bederatzigarren Sinfonia" Re minorren, Opus 125 "Choral" Molto Vivace, egilea Beethoven, Errege Orkestra Filamonikoak joa.
7. "Marcha nupcial", egilea Felix Mendelssohn, Errege Orkestra Filarmonikoak joa.
8. "Bosgarren Sinfonia" Do minorren, egilea Beethoven, interpretada por la Orquesta Filarmónica Real.
9. "Desafinado", Stan Getz eta Charlie Byrd.
10. "Spring Will Be a Little Late This Year", Red Garland.
11. "Meniniha Flor", Charlie Byrd.
12. "Auld Lang Syne", Dick Hyman and His Orchestra.
13. "Happy Birthday to You", abeslaria Larry David.

• Whatever Works filmaren webgune ofiziala. (Ingelesez)
• IMDB webguneko fitxa. (Ingelesez)
• Rottentomatoes webguneko fitxa. (Ingelesez)
• Whatever Works filmaren trailerra edo aurreiragarkia ikusgai^{[Betiko hautsitako esteka]}. (Ingelesez)