Rab (uhartea)

Rab (uhartea)
Rab (uhartea)
Datu orokorrak
Mendirik altuena	Kamenjak (en)
Garaiera	408 m
Mota	uharte
Azalera	93,6 km²
Geografia
Koordenatuak	44°46′10″N 14°46′27″E / 44.7694°N 14.7742°E
Honen parte da	Dalmatian Archipelago (en)
Kokapena	Adriatikoa
Estatu burujabe	Kroazia
Kroaziaren banaketa administratiboa	Primorje-Gorski Kotar eskualdea
Eskualde geografiko	Kvarner
Ur-gorputza	Kvarneko golkoa; Adriatikoa
Leku geografikoa	Kvarneko golkoa

Rab (latinez: Arba, italieraz: Arbe, alemanez: Arbey), Kroaziako Primorje-Gorski Kotar eskualdeko uharteetako bat da, Kroaziako bosgarrena populazioari dagokionez.

Geografia

Uhartea 22 km luze da eta 93'6 km²-ko azalera dauka. Muinorik garaiena Kamenjak da (408m). Uhartearen ipar-ekialdea lurralde soila da eta hego-mendebaldea berriz hariztiek estaltzen dute.

Historia

Uhartearen lehen aipamena greziarrek egin zuten k.a. 360 urtean eta Arba izena eman zioten, bertan bizi ziren liburniarrek hala deitzen baitzioten. Izenak "uharte beltza" esan nahi duela pentsatzen da, garai batean pinuek estaliko zuten eta. Erromatarrek konkistatu eta Zesar Augustok municipium titulua ema eta harresiak eraikitzeko agindu zuen. 532an Rabeko Tiziano apezpikua Salonako kontzilioan egon zen.

Erdi Aroan Dalmaziako gainerako tokien bilakaera izan zuen, hasieran Bizantziarren esku, ondoren Kroaziako erresuman, 1000 urtean Veneziarren parte eta 1358an Luis I.a Hungariakoak eskuratu zuen. 1409 eta XVIII. mendearen artean veneziarren menpe egon zen berriz eta ondoren Austriarren esku.

1921ean italiar-hiztunak ziren gehiengoa baina Jugoslaviak eskuratu zuen eta biztanle askok alde egin zuten Italiara edo Istriara. Bigarren Mundu gerran italiar faxistek kontzentrazio-esparru bat izan zuten bertan.

Gaur egun Kroaziako turismogune garrantzitsua da.