PT-91 Twardy

PT-91 Twardy
Mota	T-72
Jatorrizko herrialdea	Polonia
Zerbitzua
Gatazka	Errusia-Ukraina gerra (2022)
Produkzioa
Fabrikatzailea	Bumar Łabędy (en)
Kopurua	280
Zehaztasunak
Luzera	6.860 mm
Zabalera	3.702 mm
Altuera	2.190 mm

PT-91 Twardy (euskaraz: gogor) borroka-tanke nagusi poloniarra da, T-72M1 modeloaren garapena eta 1995tik aurrera erabiltzen dena. PT-91a OBRUMean diseinatu (polonieraz: Oνrodek Badawczo-Rozwojowy Urzdze-Mechicznych; euskaraz: Aparatu Mekanikoen Ikerketa eta Garapenerako Zentroa) eta Bumar-Łabędy enpresak ekoitzi zuen,^[1] Bumar Taldea izeneko Poloniako partzuergo militar tekniko baten parte dena, alegia.^[2] T-72M-ren aldaketen artean ardatz anizkoitzarekin egonkorturiko tiroak kontrolatzeko sistema berri bat aurki daiteke, bai eta blindaje erreaktiboa, motor ahaltsuagoa, transmisioa eta kargagailu automatiko berria.

T-72aren beste hobekuntza asko ez bezala, Poloniako Armadaren PT-91en elementu ia guztiak enpresa nazionalek sortutako elementuak aurkezten ditu, motor berria, tiroak kontrolatzeko sistema eta komunikazio-sistemako elementu guztiak barne. Elementu horietako asko, gainera, Txekiar Errepublikan (T-72M4 CZ), Georgian (T-72SIM-1) eta Indian (T-72 Ajeya Mk. 2) dauden tanke-flotak hobetzeko erabili ziren ere. 232 PT-91 tanke eman zitzaizkien Poloniako Lurreko Indarrei: 92 ibilgailu berri eta 140 T-72A eta T-72M1 tanke berregokitu, PT-91M1 eta PT-91MA1 izendatuak izan zirenak, hurrenez hurren.