Miso zopa

Miso zopa
Tofu, wakame eta tipulinez egindako miso zopa
Eskualdea	Japonia
Osagaiak	Salda (dashi), miso orea

Miso zopa (japonieraz: 味噌汁, misoshiru^?) japoniar gastronomiako funtsezko janaria da, arrozarekin batera. Osagai nagusia miso ore gazia da, hartzitutako soja haziz egiten dena.

Miso zopa prestatzeko miso orea, ura eta dashi arrain prestakina behar da. Gainera, beste osagai batzuk gehi dakioke, hala nola^[1]:

• wakame alga lehortua, berridratatua eta laukitan moztua
• tofua
• txahalki egosia eta xafla finetan moztua
• tipulina
• etab.

Kazola erdi ur irakin. Beste osagaiak gehitu: wakame eta tofua, eta bertan dashia disolbatu. Tenperatura jaitsi pil-pila kendu arte. Orduan koilara bat edo bi miso gehitu, iritzira eta gutxinaka, nahasketak irekin ez dezan kontu izanez. Zerbitzatu^[2].