Henk Lubberding

Henk Lubberding
Irudi gehiago
Bizitza
Jaiotza	Voorst, 1953ko abuztuaren 4a (71 urte)
Herrialdea	Herbehereetako Erresuma
Jarduerak
Jarduerak	txirrindularia
Ibilbidea
Taldeak	Urteak
TI-Raleigh	1977-1983
Parte-hartzailea Frantziako Tourra 1979 Super Prestige Pernod (en) (8.) 1984 UCI Road World Rankings (en) (42.)

Henk Lubberding (Voorst, 1953ko abuztuaren 4a) Herbehreetako txirrindulari profesional ohia da, 1977tik 1992ra profesionala izan zena.

Afizionatu mailan, hirugarren amaitu zuen 1976ko Etorkizuneko Tourrean. Hurrengo urtean profesional bilakatu zen Peter Posten TI-Raleigh talde holandar famatuan. Izan ere, Lubberdingek, Postek zuzendutako taldeetan eman zuen bere kirol ibilbide osoa. 1978an, Lubberding Herbehereetako txapelduna izan zen, eta etapa bat irabazi zuen 1978ko Frantziako Tourrean, non Gazte onenaren saria eskuratu zuen eta sailkapen orokorrean 8. postuan amaitu zen.

Gorputzeko garaia eta Holandako lur beherekoa bazen ere, mendateko probetan oso ongi moldatzen zen.

Hennie Kuiper taldeko liderrak taldetik alde egin ondoren, Lubberding eta Paul Wellens izan ziren taldeburu eta Lubberding ongi aritu zen 1979ko denboraldian zehar, postu onak lortuz, sona handiko Amstel Gold Race, Gante-Wevelgem, Romandiako Tourra, Rund um den Henninger-Turm eta Dauphine Libere bezalako lasterketetan. Herbehereetako errepideko txapelketa irabazi zuen berriro ere, eta 18. amaitu zen 1979ko Frantziako Tourrean. Bere taldeburu paper hori, 1979an amaitu zen eta laguntzaile lanetan aritzeari ekin zion.

Lubberdingek Jan Raasi lagundu zion 1979ko munduko txapelketa irabazten. Halaber, Joop Zoetemelki laguntza handia eman zion 1980ko Frantziako Tourra eskuratzeko. Hurrengo Tourretan beste bi etapa irabazi zituen eta 1988an elastiko horia egun batez janzteko aukera izan zuen.

Lubberdingek beti baserrian lan egin izan du, baita txirrindulari profesionala zen garaian ere.

1992ko amaieran erretiratu zen, 58 garaipenekin, horien artean aipagarriena Gante-Wevelgem izan zelarik.

Itzuli Handia	1977	1978	1979	1980	1981	1982	1983	1984	1985	1986	1987	1988	1989	1990	1991	1992
Italiako Giroa	-	-	-	-	-	-	-	-	-	96.	69.	69.	69.	-	-	-
Frantziako Tourra	26.	8.	18.	10.	54.	46.	10.	40.	82.	UT	95.	UT	119.	-	-	-
Espainiako Vuelta	-	-	-	-	-	-	-	-	-	-	-	-	-	-	97.	-
Munduko txapelketa	-	-	5.	-	-	-	-	-	56.	-	-	-	-	-	-	-

• Henk Lubberding - ProCyclingStats