Kevin Roche

Kevin Roche
	; Irudi gehiago
Bizitza
Jaiotzako izen-deiturak	Eamonn Kevin Roche
Jaiotza	Dublin, 1922ko ekainaren 14a
Herrialdea	Irlandako Errepublika ; Ameriketako Estatu Batuak
Heriotza	Guilford, 2019ko martxoaren 1a (96 urte)
Hezkuntza
Heziketa	University College Dublin ; Illinois Institute of Technology (en)
Hizkuntzak	ingelesa
Jarduerak
Jarduerak	arkitektoa eta ingeniaria
Lan nabarmenak	ikusi Bank of America Plaza; Leo Burnett Building;
Jasotako sariak	ikusi AIA Gold Medal ; Twenty-five Year Award ; American Academy of Arts and Letters Gold Medals ; Pritzker Saria (1982) ;
Kidetza	Ameriketako Estatu Batuetako Arte eta Letren Akademia; Arteen eta Zientzien Ameriketako Estatu Batuetako Akademia; Académie d'architecture (en) ; Accademia di San Luca
	krjda.com

National Aquarium, Baltimore, Estatu Batuak

Gateway Arch, St. Louis, Estatu Batuak
Kevin Rochek amaitu zuen Eero Saarinen hil zenean

Kevin Roche (Dublin, Irlanda, 1922 ekainaren 14 – Guilford, Connecticut, 2019ko martxoaren 1a) irlandar jatorriko arkitekto estatubatuarra izan zen.

Ikasketak Dublinen burutu eta agentzia baten lan egin ondoren, 1948an Irlanda utzi eta Estatu Batuetara joan zen Mies van der Rohe arkitektoarekin ikastera. Hezkuntza hura amaitzean Amerikan geratu eta lana aurkitu zuen Eero Saarinen arkitektoaren agentzian. Bost urte geroago bazkide nagusi bihurtu zen. 1961ean Saarinen hil egin zen eta abian zeuden lanak Rochek amaitu zituen, hala nola New York aireportuko TWA terminala eta Saint Louiseko Gateway Arch izeneko arkua, biak AEBn.

Rochek sona handia hartu zuen, batez ere enpresa handien egoitzak eraikitzeko aukeratu zutelako. Rochek Estatu Batuetako herritartasuna hartu zuen. Haren hainbat eraikin monumentu izendatu dituzte.

1982 urtean Pritzker Saria jaso zuen.