Frank Miller

Frank Miller
	; Irudi gehiago
Bizitza
Jaiotza	Olney, 1957ko urtarrilaren 27a (67 urte)
Herrialdea	Ameriketako Estatu Batuak
Lehen hizkuntza	ingelesa
Familia
Ezkontidea(k)	Lynn Varley (en) 2005)
Hezkuntza
Heziketa	Bombastic Union 32 (en)
Hizkuntzak	ingelesa
Jarduerak
Jarduerak	film-zuzendaria, idazlea, gidoilaria, eleberrigilea, aktorea, ekoizle exekutiboa, zinema aktorea eta komikigilea
Jasotako sariak	ikusi Inkpot Award (1981) ; Will Eisner Hall of Fame (2015) ; Eisner Award for Best Writer/Artist (1999) ; Eisner Award for Best Penciller/Inker or Penciller/Inker Team (1993) ; Eisner Award for Best Writer/Artist (1993) ; Eisner Award for Best Writer/Artist (1991) ; Kirby Award for Best Art Team (1987) ; Kirby Award for Best Writer/Artist (single or team) (1986) ; Best foreign work published in Spain (2000) : 300 (en) ;
Kidetza	Writers Guild of America, East (en)
Sinesmenak eta ideologia
Alderdi politikoa	Ameriketako Estatu Batuetako Alderdi Errepublikanoa
	frankmillerink.com

Frank Miller (Olney, Maryland, 1957ko urtarrilaren 27a - ) komiki marrazkigile eta zinema gidoigile estatubatuarra da. The Dark Knight Returns, Born Again, Sin City eta 300 lanekin mundu mailako ospea lortu du.

Koloreztatzaile eta ilustratzailea den Lynn Varleyrekin ezkondua dago.

Biografia

Marvel Comicsekin egin zuen lehen lana "Spectacular Spiderman" izan zen, Daredevil-ekin egindako crossover-a. Daredevil serieak eman zuen ezagutzera 1970eko hamarkadaren amaiera eta 1980ko hamarkadaren hasieran. Handik gutxira Ronin komikia egin zuen DC Comicsentzat, bertan nagusurik gabeko samurai baten abenturak kontatzen zituen etorkizun postapokaliptiko batean. Lan honetan eboluzio grafiko nabarmena suma daiteke, europar ilustratzaileen eta japoniar komiki obra klasikok eragindakoak.

1986an Daredevil proiektuari berrekin zion, "Born Again"-en gidoia idatziz eta alde grafikoan David Mazzucchellik lagunduta. Saga honetan, pertsonaiaren gainbehera eta ondorengo berpizterako, katolizismoaren ikonoen metaforaz baliatu zen. Frank Millerrek benetako maisutasuna erakusten du, istorioaren erritmoa lantzerakoan, elkarrizketa zorrotz, sinple eta lehorrez baliatuta.

Dena den, bere lanik ospetsuena Batman: The Dark Knight Returns izan da, berriro ere DC Comics-ekin. Oraingo honetan, Batman zaharkitu eta erretiratu bat irudikatzen du (amaierarako Supermanekin aurrez aurre jartzen du, editorialaren beste ikono handienetako bat), etorkizun bortitz eta ilun batean, Mass Media-k menderatua. Ondoren, eta berriz ere Mazzucchellirekin, pertsonaiaren lehenbiziko urtea irudikatzen du lau zenbakiko saga batean, "Batman: Bat Urtea" izenarekin. Lan honekin inoiz baino gehiago hurbildu zen serie beltzeko literaturara.

Bereziki ezagunak dira halaber zinemetan aurkeztu diren lanak, "Sin City" 2005ean Robert Rodriguez zuzendari eta bera zuzendarikide lanetan, Quentin Tarantino eszena batzuk zuzenduz kolaboratzen. Eta ondoren "300" pelikula Zack Snyderren eskutik.

Zinemako agerraldiak

Frank Miller-ek lau agerraldi egin ditu zineman, lauetan bere pertsonaia hil egin dutelarik.

1990ean RoboCop 2, bere pertsonaia "Frank, kimikoa", droga laborategiko leherketan hiltzen da.
1994ean Jugular Wine: A Vampire Odyssey, hilda suertatzen da banpiroen esku.
2003an Daredevil pelikula, hilda suertatzen Bullseye jaurtikitako luma batekin, eta bere motorra lapurtzen dio.
2005ean Sin City Marvek aitorlekuan hiltzen duen elizgizonaren papera egiten du.