Errele

Errelea beste zirkuitu baten kontrolpean dagoen etengailu elektriko bat da. Erreleak era elektromagnetikoan ireki eta ixten ditu kontaktuak. Joseph Henryk asmatu zuen 1835. urtean.

Korronte elektriko batek haril bat zeharkatzen duenean eremu magnetiko bat sortzen du eta kontaktu mugikor batekin lotuta dagoen metalezko armadura erakartzen du. Kontaktu higikorraren mugimenduak kontaktu estatikoarekin duen konexioa irekitzea eta ixtea ahalbidetzen du. Korronte elektrikoa etetzean, armadura bere lehendabiziko posizioara itzultzen da.