Aitziber Garmendia

Aitziber Garmendia
(2020) Irudi gehiago
Bizitza
Jaiotza	Zaldibia, 1982ko abenduaren 10a (41 urte)
Herrialdea	Gipuzkoa, Euskal Herria
Hezkuntza
Hizkuntzak	euskara gaztelania
Jarduerak
Jarduerak	aktorea eta umorista

Aitziber Garmendia Mendizabal (Zaldibia, Gipuzkoa, 1982ko abenduaren 10a) aktorea eta umorista da. Zuzenbideko lizentziaduna. ETBrako egindako lanek famatu dute batik bat, telesailetan eta umore saioetan; baina antzerkian ere lan oparoa du. Jaione Betigora "La Jaio", Gorane, Zuriñe Tolonegro eta Virginia Santos pertsonaia arrakastatsuen sortzailea da.

Ikastolan hasi zen antzerkia egiten.^[2] Hamahiru urterekin oholtzara atera zen lehen aldiz, Beasaingo antzerki taldean; hamabost urte behar ziren Beasaingo antzerki eskolan sartzeko, eta bere adinaz gezurra esanda lortu zuen sartzea. Antzeztu zuen lehenengo lana Dario Foren Hitz egin dezagun sexuaz izan zen.^[3]

Aktore ikasketak egin zituen eta, aldi berean, Zuzenbidean lizentziatu zen.^[2] Hemeretzi urte zituela, Martin telesailarekin famatu zen.^[3] 2003-2009 bitartean grabatu zen telesail haren ondotik, hamaika saio eta telesailetan parte hartu izan du; besteak beste, elkarrizketak eta bakarrizketak uztartzen zituen Batek daki arrakasta handiko saioan. Bost filmetan antzezle lanak egin ditu (Ocho apellidos vascos, Sukalde kontuak eta Txarriboda, besteak beste) eta 25 bat antzerki lanetan.^[2]

2020ko maiatzean, COVID-19 pandemiak Euskal Herriko ohiko kultura jarduera ia erabat geldiarazita zeukala, sei muntaiatan ari zen aldi berean: Losers, Erlauntza, Moko zorrotza, Rita, Txanogorritxotik otso emera (sei mutil medio) eta Feminaiz, berak idatzitako bakarrizketa. Eta horiek guztiak, euskarazko eta gaztelaniazko bertsioetan; beraz, hamabi antzezlan zituen une horretan buruan. Horretaz gain, Gure kasa ETB1eko saioan ziharduen lanean garai horretan bertan.^[2][4][5][6]

2020an bertan (maiatzaren 15ean, zehazki), Barre Librea umore saioa estreinatu zuen ETB1en, Jon Plazaola, Getari Etxegarai eta Kepa Errasti aktoreekin batera. Saio horretan, Garmendiak, Virginiaz eta Goranez gain, beste pertsonaia berri batzuk aurkeztu ditu: Xuban, Agurtzane eta Korinba, Goraneren familiako kide bereziak; Jose Manuel, Virginiaren laguna; eta Lulu, Virginiak etxean duen amabirjinaren koadro surrealista.^[7][8]

2021eko abenduaren 31an, ETB1eko urte amaierako kanpaikadak eskani zituen zuzenean Gasteiztik, Ainhoa Etxeberria eta Yerai Diaz aurkezleekin batera.^[9]

• Hitz egin dezagun sexuaz
• Historias terraterrestres
• Irrikitan
• Xomorroak
• La domadora de fieras
• Mujeres en sus camas
• Emakumeak izarapean
• Baginaren bakarrizketak
• Arrainen bazka
• Wilt
• Kafka eta panpina bidaiaria
• Erlauntza
• Ez naiz inoiz Dublinen egon (2022)
• Sexberdinak (2023) Donostia Antzerki saria irabazi zuen

• Ta nik zer dakit (Xabi San Sebastian, 2009)
• Bazoaz (Su Ta Gar, 2016)

• Bertso Eguna 2016 - Aurkezlea
• Gaztea Sariak - Aurkezlea^{[erreferentzia behar]}

Wikiesanetan badira aipuak, gai hau dutenak: Aitziber Garmendia

• Aitziber Garmendia, Euskadi Irratian^{[Betiko hautsitako esteka]}
• Elkarrizketa, Argian
• Aitziber Garmendia «Hori da une horretan daukazun bakarra: mina» (Berria, 2019)