Abdou Diouf

Abdou Diouf
(2008) Irudi gehiago
Afrikar Batasuneko presidente 1992ko ekainaren 29a - 1993ko ekainaren 28a ← Ibrahim Babangida - Hosni Mubarak → Afrikar Batasuneko presidente 1985eko uztailaren 18a - 1986ko uztailaren 28a ← Julius Nyerere - Denis Sassou-Nguesso → 2. Senegalgo presidentea 1981eko urtarrilaren 1a - 2000ko apirilaren 1a ← Léopold Sédar Senghor - Abdoulaye Wade → 2. Senegalgo lehen ministroa 1970eko otsailaren 26a - 1980ko abenduaren 31 ← Mamadou Dia - Habib Thiam →
Bizitza
Jaiotza	Louga, 1935eko irailaren 7a (89 urte)
Herrialdea	Senegal  Frantzia
Familia
Ezkontidea(k)	Elisabeth Diouf (en)
Hezkuntza
Heziketa	Parisko Unibertsitatea I - Panthéon-Sorbonne Université Cheikh Anta Diop (en)
Hizkuntzak	frantsesa Wolofera
Jarduerak
Jarduerak	politikaria eta abokatua
Jasotako sariak	ikusi Grand Officer of the National Order of Quebec  (2011) King Faisal International Prize in Service to Islam  (1998) Grand prix de la francophonie  (1996) Grand Star of the Decoration for Services to the Republic of Austria Grand Cross of the Order of Orange-Nassau Honorary doctor of the University of Ottawa Honorary doctorate from the University of Paris 1 Pantheon-Sorbonne  (1989ko martxoaren 8a) doctor honoris causa from the University of Nancy  (1990eko azaroaren 27a) [[]]  (1994ko urriaren 7a) doctor honoris causa from the University of Franche-Comté  (1998ko abenduaren 4a) [[]]  (2006) honorary doctor of Paris 8 University  (2006) honorary doctorate of the Bordeaux Montaigne University  (2007) [[]]  (2007) honorary doctor of the University of Picardie Jules Verne  (2009ko urriaren 14a) Honorary doctor of the University of Liège  (2011) [[]]  (2006ko abenduaren 6a) honorary doctorate of the University of Reims  (2007) honorary citizen of Liège  (2014) Order of the Grand Conqueror Grand Order of Mugunghwa
Kidetza	Itsasoz-haraindiko zientzien akademia Académie des sciences, belles-lettres et arts de Rouen (en)
Sinesmenak eta ideologia
Erlijioa	sunismoa
Alderdi politikoa	Socialist Party of Senegal (en)

Abdou Diouf (Louga, Senegal, 1935eko irailaren 7a) politikaria eta legelaria da. 1970etik aurrera lehen ministroa izan zen, Léopold Sédar Senghorren gobernuan. 1981eko urtarrilaren 1ean, Senghorrek kargua utzi baitzuen, Senegalgo presidente bihurtu zen. 1983, 1988 eta 1993ko hauteskundeak irabazi zituen, baina 2000ko martxoaren 19ko bozketan Abdoulaye Wadek garaitu zuen. Ordutik Parisen bizi da. Frankofoniaren Nazioarteko Erakundeko idazkari nagusia da.

Zuzenbideko eta Politika Zientzietako ikasketak egin zituen, Dakarko Unibertsitatean eta Parisen. 1960an itzuli zen Senegala, herrialdeak independentzia eskuratu berri zuela, eta hango administrazioan hasi zen lanean. Hogeita bost urterekin, gobernuaren idazkari nagusiaren laguntzaile hartu zuten, eta Nazioarteko Lankidetza Teknikorako zuzendari izendatu zuten. Aurrerago, 1961ean, Defentsa Ministerioko idazkari nagusi izatera igaro zen. Urte hartan bertan Senegalgo Batasun Progresistan sartu zen, eta idazkari laguntzaile izendatu zuten. Sine Salnum eskualdeko gobernadore izendatu zuten 1962an, eta gobernuko lehendakariaren kabineteko zuzendari, hurrengo urtean. Halaber, gobernuko idazkari nagusi izan zen 1964 eta 1965ean, eta Plangintza eta Industriako ministro 1968tik aurrera. Bi urte geroago Senegalgo lehen ministro izendatu zuten.

Léopold Sédar Senghor lehendakariaren konfiantzako gizona izanik, hark estatuko buruzagitza utzi zuenean, Dioufek hartu zuen haren lekua, 1981eko urtarrilaren 1ean. Aldi berean, Senegalgo Alderdi Sozialistaren Idazkaritza Nagusia bereganatu zuen. 1982an Senegalen eta Gambiaren arteko konfederazioko lehendakari izendatu zuten. 1983ko maiatzeko hauteskundeetan Alderdi Sozialistak botoen % 80 baino gehiago eskuratu zituelarik, Diouf herrialdeko lehendakaritzan berretsi zuten. Bost urte geroago, 1988an, lehendakaria eta Legebiltzarreko 120 kideak hautatzeko hauteskundeak egin ziren, eta berriro irabazle izan zen, gehiengo osoz.

Hurrengo egunean, Dioufen aurkako oposizioko kideek Dakarren eragin zituzten istilu larriak zirela eta, salbuespen egoera ezarri zuen eskualde osoan. 1989ko abuztuan Mauritaniarekin harreman diplomatikoak hautsi zituela iragarri zuen, herrialde hartatik Senegalgo enbaxadorea egotzi zutelako. Ginea Bissaurekin ere Senegalek muga arazoak ditu, eta 1990eko maiatzean borroka armatuak gertatu ziren bi herrialdeen artean. 1990eko irailean, Dioufek gudarostea Persiako golkora bidaltzeko asmoa iragarri zuen, Saudi Arabiari laguntzearren, baina oposizioak gogor kritikatu zuen erabaki hura, Casamanceko eskualdean, hegoaldean, istilu larriak gertatzen ari zirelako, eta soldadu asko hara bidaliak izan zirelako.

1985ean urtebeterako Afrikar Batasuneko Erakundeko lehendakari hautatu zuten; eta berriz ere 1992an, orobat urtebeterako.

Wikimedia Commonsen badira fitxategi gehiago, gai hau dutenak: Abdou Diouf