Lahmacun

Lahmacun [Laĥmaĝun], ankaŭ konata kiel "turka pico" aŭ "armena pico" (turke lahmacun, armene լահմաջուն), estas mola aŭ malmola patkuko, kovrita per miksaĵo de viandhaketaĵo, cepoj, freŝaj tomatoj, pikantaj kapsikoj, pikantaj spicoj kaj petroselo. Ĉi tiu "pico" pli kaj pli aĉeteblas en Eŭropo en restoracioj kaj bazaroj. Ĝi tradicie apartenis al la kuirarto de la armenoj, kartveloj kaj aliaj kaŭkazaj popoloj sed post la amasa alveno de turkoj en Anatolion, ĉi lastaj ankaŭ alprenis tiun manĝaĵon por si. En multaj kuirreceptoj ĝi aperas nur kiel armena.