Zermatt

Ĝemelurboj
	Alfano • Myoko • Kioto vd

Zermatt
	Blazono de Zermatt
	Zermatt kaj Materhorno
komunumo en Svislando • urbo en Svislando • carfree city • senaŭta loko
Ĝemelurboj
	Alfano • Myoko • Kioto vd
Kantono	Valezo
Distrikto	Vispo
Koordinatoj	=46° 1′ 25″ N 7° 44′ 55″ O / 46.02361 °N, 7.74861 °O (mapo)Koordinatoj: 46° 1′ 25″ N 7° 44′ 55″ O / 46.02361 °N, 7.74861 °O (mapo)
Areo	242,67 km²
Alteco	1608 m super marnivelo
Poŝtkodo	3920
Komunumkodo	6300
	Mapo de Zermatt
	v • d • r

Por samtitolaj artikoloj vidu la paĝojn Zermatt (stacidomo) kaj Zermatt GGB (stacidomo).

Zermatt [cermat'] (france Praborgne) estas komunumo de la Distrikto Vispo en Kantono Valezo, Svislando, kun 5828 loĝantoj la 31-an de decembro 2011.

Geografio

Zermatt situas ĉirkaŭ 1610 m super la marnivelo kaj famas pro sia situo sube de Materhorno. Zermatt estas ŝatata, konata vintra sportejo kaj somera ripozejo. La aŭtomobila trafiko estas tre limigita en la loko.

Gornergrat estas monto situanta 3 kilometroj sude de Zermatt en svisa kantono Valezo. Ĝi estas 3 130 metroj alta.

Ekonomio

La konumumo ĉefe vivas de turismo. Sur ĝia tereno troviĝas 120 hoteloj kaj fervoja stacio. Zermatt estas la elirpunkto de multaj montaraj ekskursoj kiel ekzemple al Materhorno kaj al Dufour-Pinto. Dentoradtrajno kondukas de Zermato al Gornergrat.

Trafiko

Zermatt estas senaŭtomobila komunumo. Kiam aperis komence de la 20-a jarcento la unua aŭtomobiloj en la Kantono Valezo, oni en multaj valoj malpermesis tiujn terurajn kaj vivdanĝerajn maŝinojn, kiel oni tiam diris. En la regiono de Zermatt tiu malpermeso konserviĝis ĝis hodiaŭ, ĉar la senaŭtomobileco de la komunumo fariĝis intertempe aparta turisma argumento. La aŭtomobilojn oni devas nuntempe parki en la komunumo Täsch, 6 km antaŭ la komunumo Zermatt, kaj tiam oni aŭ devas piedumi aŭ utiligi la dentoradtrajnon de la Matterhorn-Gotthard-Fervojo, kiu konektas Zermatt tra Visp, la Furka-tunelo, Disentis kun Sankta Maŭrico en la Kantono Grizono per la fama Glaĉer-Ekspreso. De la stacidomo Zermatt GGB ankaŭ kondukas dentoradfervojo sur Gornergrat. Je alto de 2.222 m super la marnivelo de haltejo de la Gornergrat-Fervojo ankaŭ kondukas la Riffelalp-tramo kiel la plej alte super la marnivelo situanta tramo de Eŭropo al la hotelo Riffelalp.