Izovolumena procezo

Izovolumena procezo estas termodinamika procezo kiu konservas konstantan volumenon (V=konstanto), krom volumeno ĉiuj aliaj parametroj povas esti ŝanĝataj.

Dum izovolumena procezo ne estas laboro, la termodinamika sistemo povas interŝanĝi energion nur per fluo de varmo. El la unua leĝo de termodinamiko rezultas, ke ĉia varmo estas uzata por ŝanĝi internan energion. Ŝanĝon de interna energio oni povas kalkuli el:

${\displaystyle \Delta U=\int \limits _{T_{1}}^{T_{2}}{c_{V}dT}}$.

Izovolumenajn procezojn estas facile fari, ekz. (mal)hejti gason en fermita ujo, kiu havas dikajn rigidajn murojn.

En ideala gaso ĝia specifa varmokapacito estas konstanta, do

${\displaystyle \Delta U=\int \limits _{T_{1}}^{T_{2}}{c_{V}dT}=c_{V}(T_{2}-T_{1})=c_{V}\Delta T\ .}$

El la ekvacio de Clapeyron, oni facile deduktas la leĝon de Gay-Lussac, kiu asertas ke, por ideala gaso en fiksa volumeno, la premo estas proporcia al la temperaturo:

${\displaystyle {p \over T}=konst\ .}$

• Izoprema procezo
• Izotemperatura procezo
• Izovarma procezo
• Ciklo de Carnot