Apogflugila boato
Apogflugila boato aŭ ŝipo (angle: hydrofoil boat) estas akva veturilo, kies ŝelo elakviĝas atingante certan rapidon. Tio okazas per la komence subakvaj apogflugiloj. Ĉar nur eta parto de la ŝipo (apogflugilo kaj helico) trafas la akvosurfacon, la akvodispremo kaj la frot-rezisto grave reduktiĝas. Tiel la apogflugila boato povas atingi rapidon de ĝis 90 km/h (25 m/s, 48 knotoj). La apogflugila boato estas uzata ĉefe por transportado de personoj inter insuloj.