Lomi

Lomi (Ermenki: Բոշա Poşa/Boşa, Gurcuki: ბოშა Boşa, Ruski: Боша Boša), ya zi Poşay, Romanê Ermeni, Romanê Kofkasi, Boşa, yew mıleto Romano ke Ermenıstan, Gurcıstan, Tırkiya u tenê zi Azerbaycan sero vıla biyo. Zıwanê Loman Lomkio (vanê Lomavren), Lomki zi hetê rıçıki ra zıwanê do Hint-Aryao, çekuyê Ermenki zaf gırewtê bunya xo. Şarê Lomi seserra desıne (10.) de Hindıstan terk kerdo, abırriyao u ğerbi sero goç kerdo. Wıni zi şarê Lomi zey şaranê Romanê binan, Domi, Dombay u Romi, yew mıleto Romano ke etnolociya şaranê Romi ra yewo.

Lomi zey mıletê biniê ke Romanan raê, zıwanê coğrafya u welatê xo ra qısey kenê. Ewro zıwanê inan Lomnki (Lomavren) Ermenıstan de şao xo bısevekno (bıpawo, sıtar kero) hama Lomê ke Tırkiya de weşiya xo ramenê nêşao zıwanê xo bısevekno. Coka zi Lomanê Tırkiya Lomki kerdo têmiyan be Tırki, Tırki qısey kenê. Sûkanê Gurcıstani Tiflis, Kutaisi, Axılkelek u Axıska, ê Ermenıstani Erivan (u qezê cı Kanaker-Zeytun, Nork-Maraş) u Gumru de cıwiyenê. Tırkiya de zi wılayetanê Artvin, Erzurum, Sivas, Ardahan, Erzincan u rocvetışê Deryaê Siyay de nıfusê Lomi estê, weşiya xo ramenê.

Leteo Romo ke Poşa vaciyeno, goç nêkerdo, nêşiyo rocawani ser u Anadoliye de mendo. Eno lete yew fekê zıwanê Ermenkiyê Rocawani qısey keno, zıwanê Lomavren ra zi çekuy kerdê miyanê zıwanê xo.