Rwmaneg

Rwmaneg

Enghraifft o'r canlynol	iaith naturiol, iaith fyw
Math	Romáwns y Dwyrain
Enw brodorol	limba română
Nifer y siaradwyr	24,300,000 (2019)[1]
cod ISO 639-1	ro
cod ISO 639-2	ron, rum
cod ISO 639-3	ron
Gwladwriaeth	Rwmania, Moldofa, Serbia, Wcráin
System ysgrifennu	yr wyddor Ladin
Corff rheoleiddio	Academi Rwmania
Ffeiliau perthnasol ar Gomin Wicimedia

Rwmaneg (Rwmaneg: română) yw iaith genedlaethol Rwmania a Moldofa. Mae'n perthyn i'r ieithoedd Romáwns yn y teulu Indo-Ewropeaidd o ieithoedd. Mae tua 24 miliwn o bobl yn siarad yr iaith, yn bennaf yn Rwmania. Mae Rwmaneg yn nodweddiadol am fod yn yr unig iaith Romáwns i gadw olion o ogwyddiad Lladin. Mae hi'n iaith sydd wedi'i dylanwadu'n fawr gan yr ieithoedd Slafeg.

Yn ystod y cyfnod Sofietaidd ym Moldofa, cyfeiriwyd at yr iaith frodorol fel Moldofeg (лимба молдовеняскэ) yn hytrach na Rwmaneg, ac fe'i hysgrifennwyd gyda'r wyddor Gyrilig yn hytrach na'r wyddor Ladin. O 1989, yr wyddor Ladin sy'n cael ei defnyddio yn Moldofa fel yn Rwmania, ac fe ddefnyddir y ddau enw, Rwmaneg a Moldofeg, i gyfeirio at yr un iaith. Yn Transnistria er hynny, ble mae'n un o'r ieithoedd swyddogol, enw'r iaith yw Moldofeg, a defnyddir yr wyddor Gyrilig o hyd.

Siaradir Rwmaneg gan leiafrif yn Serbia, er enghraifft yn ardal Vojvodina.

Oherwydd mudo, fe'i siaradir hefyd yn Israel, yn ogystal ac yn yr Eidal, Ffrainc, Sbaen, a Portiwgal.

Yng nghyfnod Ceaușescu yn Rwmania, daeth llawer o bobl o'r Dwyrain Canol i astudio yn y wlad - mae'n debyg felly fod nifer sydd wedi symud yn ôl i Libanus, Syria, Palesteina, Irac, Yr Aifft, Swdan a Gwlad Iorddonen yn medru'r iaith o hyd.

• franceză : Ffrangeg
• galeză : Cymraeg
• engleză : Saesneg
• Salut! : helô! / hwyl! (Gallwch ddweud salut! wrth gyfarfod neu wrth ymadael.)
• Ce mai faci? : sut mae?
• La revedere! : da boch chi! / Hwyl fawr!
• Vă rog : os gwelwch chi'n dda
• Mulţumesc: diolch
• Îmi pare rău : mae'n flin gen i
• Da : ie / do / oes etc.
• Nu : nage / naddo / nag oes etc.

Argraffiad Rwmaneg Wicipedia, y gwyddoniadur rhydd

Eginyn erthygl sydd uchod am iaith. Gallwch helpu Wicipedia drwy ychwanegu ato.

Eginyn erthygl sydd uchod am Rwmania. Gallwch helpu Wicipedia drwy ychwanegu ato.

Chwiliwch am rwmaneg
yn Wiciadur.

1. ↑ (yn en) Ethnologue (25, 19 ed.), Dallas: SIL International, ISSN 1946-9675, OCLC 43349556, Wikidata Q14790, https://www.ethnologue.com/, adalwyd 23 Ebrill 2022