Medievu

Tallinn, capitale di l'Estonia è esempiu di cità europea medievale furtificata, cunservata pè u 75%. Particulare di a porta di a Cità Vechja

U Medievu hè una di e quattru grande età storiche (antica, medievale, muderna è cuntempuranea) in a quale hè tradiziunalmente suddivisa a storia di l'Europa ind’è a storiografia muderna. Cumprende u periudu da u V seculu à u XV seculu. Seguita a Caduta di l'Imperu rumanu d'Occidente in u 476 d.C. è precede l'Età muderna. U termine "Medievu" cumparisce pè a prima volta in u XV seculu in latinu è riflette l'opinione di i cuntempuranei, pè chì tale periudu averia riprisentatu una deviazione da a cultura classica, in oppusizione à u Rinascimentu.