Háng-ngṳ̄
| Háng-ngṳ̄ | |
|---|---|
| 漢語/汉语/华语 | |
| Huák-nguòng guók | Dṳ̆ng-guók, Dài-uăng, Mā-lài-să̤-ā, Sĭng-gă-pŏ̤ |
| Sāi-ê̤ṳng dê-kṳ̆ | Dṳ̆ng-guók, Dài-uăng, Mā-lài-să̤-ā, Sĭng-gă-pŏ̤ |
| mū-ngṳ̄ sāi-ê̤ṳng-ciā | 14 é |
| ngṳ̄-hiê |
Háng-cáung-ngṳ̄-hiê
|
| ùng-cê hiê-tūng | Háng-cê |
| Guăng-huŏng dê-ôi | |
| guăng-huŏng ngṳ̄-ngiòng | Dṳ̆ng-guók, Dài-uăng, Mā-lài-să̤-ā, Sĭng-gă-pŏ̤ |
| ngṳ̄-ngiòng dâi-mā | |
| ISO 639-1 |
zh |
| ISO 639-2 |
chi (B) zho (T) |
| ISO 639-3 |
gáuk-cṳ̄ng dâi-mā:cdo – Mìng-dĕ̤ng-ngṳ̄cjy – Céng-ngṳ̄cmn – Háng-ngṳ̄ Guăng-uâcpx – Buò-siĕng-ngṳ̄czh – Hŭi-ngṳ̄czo – Mìng-dṳ̆ng-ngṳ̄gan – Gáng-ngṳ̄hak – Káh-gă-ngṳ̄hsn – Siŏng-ngṳ̄mnp – Mìng-báe̤k-ngṳ̄nan – Mìng-nàng-ngṳ̄wuu – Ngù-ngṳ̄yue – Uŏk-ngṳ̄och – Siông-gū Háng-ngṳ̄ltc – Dṳ̆ng-gū Háng-ngṳ̄lzh – Ùng-ngiòng-ùng |
 Gáuk cṳ̄ng Háng-ngṳ̄ | |
Háng-ngṳ̄ (漢語), iâ hô̤ lā̤ Huà-ngṳ̄ (華語), sê Dṳ̆ng-huà Ìng-mìng Gê̤ṳng-huò-guók, Dṳ̆ng-huà Mìng-guók (Dài-uăng) gâe̤ng Sĭng-gă-pŏ̤ gì Háng-cŭk nè̤ng sāi gì siŏh cṳ̄ng ngṳ̄-ngiòng.
Găk hī gūi ciáh guók-gă diē-sié, guăng-huŏng dŭ ciŏng Háng-ngṳ̄-cŭk gì sū-iū ngṳ̄-ngiòng hô̤ lā̤ Háng-ngṳ̄, ciŏng gì-dṳ̆ng gì siŏh cṳ̄ng hô̤ lā̤ Pū-tŭng-uâ (iâ hô̤ lā̤ Guók-ngṳ̄) hô̤ lā̤ „Biĕu-cūng Háng-ngṳ̄“, gì-tă Háng-ngṳ̄-cŭk gì ngṳ̄-ngiòng dŭ ké̤ṳk ĭ hô̤ lā̤ „huŏng-ngiòng“. Sĭk-cié cuòi ùng-ciòng sê céng-dê é-ngiê siông gì „huŏng-ngiòng“, téng ngṳ̄-ngiòng-hŏk gì huŏng-miêng lì gōng, gōng Pū-tŭng-uâ gì nè̤ng táu-dā̤ dŭ tiăng mâ̤ huòi-é gì-tă „huŏng-ngiòng“, gó-chṳ̄ diŏh sáung ngṳ̄-ngiòng, ng-sê huŏng-ngiòng.
Dṳ̆ng-huà Ìng-mìng Gê̤ṳng-huò-guók, Dṳ̆ng-huà Mìng-guók (Dài-uăng) gâe̤ng Sĭng-gă-pŏ̤ gô-dā̤ dŭ dó̤i gáuk cṳ̄ng gì „huŏng-ngiòng“ có̤ guó páh-ák, gōng „huŏng-ngiòng“ gì nè̤ng muōng biéng muōng ciēu. Gáu hiêng-câi ciáh kăi-sṳ̄ ô bō̤-hô „huŏng-ngiòng“ gì siăng-ĭng.