Hetaira

Ur pennad Hetair zo ivez.

En Hellaz kozh e veze graet hetaira (ἑταίρα, hetaira "kompagnunez", liester ἑταίραi) eus ur plac'h pe ur vaouez a gompagnunezh pe ur c'hast.

E kevredigezh Hellaz kozh e oa an hetaerai maouezed dizalc'h anezho, mestrezed war o feadra, a-wechoù pinvidik ha pouez dezho, o devoa da wiskañ dilhad diouzh o micher ha da baeañ tailhoù. Ar re uhelañ eus ar gisti e oant. Ne werzhent ket o c'horf pe o zroioù-micher ken alies. Desket e oant, ha gouest d'ober kaoz gant tud a zeskadurezh, goude ma n'eus ket emglev etre an istorourien war gement-se.

Estrenezed e oant peurliesañ, bet sklavezed alies ; brudet e oant abalamour d'o ampartiz da zañsal pe da seniñ, pe abalamour d'o c'horf. Desket e oant ivez, pa ne oa ket ar pep brasañ eus ar merc'hed. Ar merc'hed nemeto e oant a gemere perzh er symposia, ha selaouet e veze o alioù ha kredennoù gant ar wazed.

Kavet ez eus bet perzhioù heñvelik etre hetaira Hellaz ha nadītu Babilon, oiran Japan ha kisaeng Korea, dezho ur renk er gevredigezh etre gisti ha dudierien.

E-touez ar re vrudetañ ec'h anavezomp

• Rodopis, kompagnunez breur Sapfo,
• Thargelia, un hetaira eus Ionia^[1]
• Aspasia, kompagnunez ar politikour Perikles, brudetañ maouez ar V^vet kantved kt JK
• Theodote, kompagnunez Alkibiades
• Arc'heanassa kompagnunez Platon,
• Neaira, meneget gant Demosthenes
• Fryne, poltredet gant Praksiteles
• Leontion,
• Pythonike, kompagnunez Harpale, teñzorer Alesant Veur
• Thais, ur serc'h da Alesant Veur da gentañ, da Ptolemaios, jeneral gantañ ha roue Egipt da c'houde.

Darn a oa pinvidik-bras. Theodote zo bet deskrivet gant Ksenofon evel ur vaouez gwisket gant dilhad koustus, dezhi un ti bras pinvidik ha sklaved niverus.

• Arnodskrid diwar-benn buhez ar merc'hed en Aten er marevezh klasel
• James Grout: Hetairai, darn eus an Encyclopædia Romana
• Hetairai Aten - hervez Levrenn 13 Athenaeus
• (es)Ar strollad HETAIRA (diazezet e Madrid a stourm evit gwirioù ar gisti).
• (es) Plana sobre les heteres.