tanav

Sellet e vez ouzh ar bajenn pe ar gevrenn-mañ evel un divraz da glokaat e brezhoneg. Mar gouezit tra pe dra diwar-benn danvez ar pennad e c'hellit lakaat ho kouiziegezh da dalvezout dre gemmañ ar bajenn-mañ diouzhtu goude klikañ war al liamm « kemmañ ».

(1499) Tanau er C'hatolikon^[1]. Kar d'ar gerioù tanow e kerneveureg, tenau e kembraeg, tana en iwerzhoneg hag e skoseg, deuet eus ur ger keltiek *tan-awo-^[2].

Anv-gwan

tanav /ˈtãːnaw/ (e doare Gwened); /ˈtãːno/ (e doare Treger).

1. Ha n'int ket tev .
   • Mes dindan al liñsel tanav, ’mañ an douar. — (Fañch Abgrall, Luc'hed ha moged, 1935, p. 32.)
   • Ar c’hrampouezh tanav-se a yae d’an traoñ evel skeiñ maen en ur puñs, TBP
   • Bezañ tanav ar peuriñ gant ub : bezañ treut ar peuriñ.
2. A glev mat-tre (pa gomzer eus fri pe skouarn).
   • Ha, gant e fri tanav alies, kaer en deus furgutañ, c'hwesha e-touez kement all a lastez, foeltr vat ne gav nemet kozh flaer [...]. — (G. Milin, Marvaillou grac'h-koz, Brest, 1867, p. 139.)
   • Mard eo tanav e fri, e stomog n'eo ket kizidik. — (Tad Medar, An Tri Aotrou, 1981, p. 112.)
   • Met tonton Jakez 'n eus bepred skouarn tanav ha lagad lemm, ha neb aon, e spered n'eo ket re dogn ivez ! — (Erwan ar Moal, Bilez hag e vestr, Feiz ha Breiz, Brest, 1926, p. 3.)
   • [...], met ken tano e oa e ziskouarn ma ouie pe da vare e teue eur vuzugenn eus an douar. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 36.)
3. ur vouezh tanav
   • — « Tud zo aze ? »
     — « Ya, va den mat, » eme ur vouezhig tanav ha displed evel mouezh ur bugel, hag a zeue dre zindan an douar. — (Troude ha Milin, Labous ar Wirionez ha Marvailhoù all, Skridoù Breizh, 1950, p. 78.)
4. mont tanav
   • — [...] va spered a yae tanav, [...]. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 67.)
5. dourek
   • Kozh roulerezed! a vez gwelloc'h ganto traoù tanav evit traoù tev. — (Jules Gros, Le trésor du breton parlé Deuxième Partie, 1970, p. 535.)

• tev (1)

• bezañ tanav ar peuriñ gant unan bennak
• bezañ tanav e fri
• bezañ tanav e skouarn

• galleg : mince ^(fr) , fin ^(fr)

Roll an daveoù :

• ^[1] : Ar c'hCatholicon
• ^[2] : Lexique Étymologique des termes les plus usuels du Breton Moderne, p. 250.