Ulfilas

Ulfilas (311– 383), nang dalam Bahasa Gothik baisi arti "sarigala halus" (Wulfila),^[1] adalah saurang misionaris, panarjamah Alkitab, wan uskup Gereja nang mahabarakan Injil gasan bubuhan bangsa Goth.^[2]

Kahidupan

Ulfilas diranakakam sakitar tahun 311^[1] atawa 318^[3]. Inya diganalakan manjadi saurang keresten wan imbahtu jadi uskup pas umur 30 tahun oleh Eusebius matan Nicomedia, kamungkinan pas inya manjabat di kedutaan Kaisar Konstantinus, sakitar tahun 348. ^[3]

Sakitar tahun 350, Uskup Ulfilias manarjamahakn Alkitab ka dalam basa Goth, mamakai aksara nang inya ulah sorang. Tapi basa Goth kada baisi kata tarjamah gasan sabarataan kata Latin atawa Yunani. Kosakata Goth cungul matan pangalaman nang kada sama lawan urang-urang Keresten awal di Tanah Suci. Haratan Ulfilas mamakai kata-kata Goth gasan maungkapakan gagasan-gagasan Keresten, inya mahasilakan Alkitab nang pina balain lawan nang dipakai Garija Ruma wan Konstantinopel. Namun imbah ada Alkitab Goth, urang-urang Jirman mulai pindah agama ka agama Keresten versi buhannya sorang ngitu.

^[4]

Ulfilas manulak kredo Tarinitas Nikea wan mamilih kaparcayaan nang diajuakan Uskup Arius matan Aprika Utara, nang maajarakan bahwa hanya ada sabuting Tuhan, yaitu Tuhan Abah, Yesus Karistus nang kaya Tuhan tapi kada baisi esensi nang sama; Yesus hanya dianggap sabagai ciptaan Tuhan nang mulia banar. Urang-urang Jirman labih maumpati kaparcayaan Arius daripada Nikea, bisa gara-gara di dunia buhannya, amun reputasi anak sabanding lawan abahnya pacangan tajadi parabutan kakuasaan nang pacangan manimbulakan kakacauan.^[4]

Lihati jua

Alkitab basa Goth

Referensi

^ ^a ^b Wiles, Maurice (2017). Warisan Sejarah Arianisme. Bandung: Pustaka Matahari. hlm. 78. ISBN 9786029876215. Diarsipkan dari versi asli tanggal 2021-12-07. Diakses tanggal 2020-05-29.
^ (Bahasa Inggris) Leo Wiener. 2002. Contributions Toward a History of Arabico-Gothic Culture, Volume 3. Piscataway, NJ: Gorgias Press.
^ ^a ^b (Bahasa Inggris) James Craigie Robertson. 1867. "History of the Christian church, Volume 1". London: John Murray.
^ ^a ^b Ansary, Tamim, author, narrator., The invention of yesterday, ISBN 978-1-5491-5672-4, OCLC 1128835405, diakses tanggal 2020-05-29

[:0-1] Wiles, Maurice (2017). Warisan Sejarah Arianisme. Bandung: Pustaka Matahari. hlm. 78. ISBN 9786029876215. Diarsipkan dari versi asli tanggal 2021-12-07. Diakses tanggal 2020-05-29.

[Wiener-2] (Bahasa Inggris) Leo Wiener. 2002. Contributions Toward a History of Arabico-Gothic Culture, Volume 3. Piscataway, NJ: Gorgias Press.

[Robertson-3] (Bahasa Inggris) James Craigie Robertson. 1867. "History of the Christian church, Volume 1". London: John Murray.

[:1-4] Ansary, Tamim, author, narrator., The invention of yesterday, ISBN 978-1-5491-5672-4, OCLC 1128835405, diakses tanggal 2020-05-29

[1]

[2]

[3]

[4]