ЭМІТ

Zakład Maszyn Elektrycznych "EMIT"
Заснаванне	23 верасня 1921
Краіна	Польшча
Размяшчэнне	Польша, г. Жыхлін, ul. Narutowicza 72
Прадукцыя	сілавыя трансфарматары, электрычныя рухавікі
Сайт	www.ftz.pl

Завод Электрычных Машын „EMIT” (Zakład Maszyn Elektrycznych "EMIT", дзе EMIT - скарачэнне ад Электрычныя Машыны і Трансфарматары) - найстарэйшы ў Польшчы і адзін з найбуйнейшых заводаў па вытворчасці трохфазных электрычных машын, размешчаны ў горадзе Жыхлін (Лодзьскае ваяводства, Польша)^[1].

Завод быў створаны 23 верасня 1921 года пад назвай Polskie Zakłady Elektryczne Brown Boveri SA (Польскія электрычныя заводы Brown Boveri SA) на тэрыторыі былога цукровага завода «Валентынаў» (Walentynów) плошчай 34,5 га. Кіраўнік - Зыгмунт Аканеўскі. У 1923 годзе пачалася серыйная вытворчасць трохфазных машын, а таксама першых трамвайных рухавікоў у Польшчы. У 1926 годзе Аканеўскі заснаваў падобны завод у Цешыне , ў 1928 годзе фабрыка была пашырана за кошт трансфарматарнага цэху. У 1931—1933 гадах завод спыніў вытворчасць з-за крызісу.

З 1 сакавіка 1933 года завод працаваў пад назвай Zakłady Elektromechanne Rohn-Zieliński SA - licencja Brown Boveri (Электрамеханічны завод Rohn-Zieliński SA-Ліцэнзія Brown Boveri). Галоўнымі дасягненнямі кампаніі перад Другой сусветнай вайной сталі рухавік для польскай падводнай лодкі і пастаўка трансфарматараў на ЛЭП Мосціцы — Стараховіцы (частка першай у Польшчы высакавольтнай лініі Рожнаў — Варшава ) і на электрастанцыю ў Рожнаве. У 1937—1938 гадах на заводзе былі пабудаваны інструментальная маэстэрні .

Падчас Другой сусветнай вайны завод падпарадкоўваўся кампаніі Brown Boveri базуючыйся ў Мангейме^[2].

Пасля вайны завод быў нацыяналізаваны і перайменаваны ў Zakłady Wytwórcze Maszyn Elektrycznych i Transformerów M-1 (Завод па вытворчасці электрычных машын і трансфарматараў М-1). 15 сакавіка 1945 года пачалася вытворчасць прадукцыі.

У 1948–1951 гадах на заводзе быў пабудаваны машынны зал пераменнага току.

У пачатку 1951 года завод атрымаў заступніцтва прэзідэнта ГДР Вільгельма Піка. Да сярэдзіны 1950-х гг XX-ст. прадпрыемства сумесна з «Электрабудовай» вырабляла найбуйнейшыя ў краіне трансфарматары.

У 1961—1964 гадах завод быў зноў пашыраны залай для машын пастаяннага току . 24 красавіка 1967 г. назва была зменена на Zakłady Wytwórcze Maszyn Elektrycznych i Transformerów EMIT im. W. Piecka (Завод па вытворчасці электрычных машын і трансфарматараў EMIT ім. В.Піка) . У тым жа годзе частка вытворчасці трансфарматараў і тэхнічны персанал былі пераведзены на новую трансфарматарную фабрыку ELTA ў Лодзі.

У 1975 годзе завод заняў другое месца па памерах (пасля Petrochemia Płock) у Плоцкім ваяводстве: 1107 мільёнаў злотых продажаў, 2607 працаўнікоў . 10 снежня 1975 года завод наведаў Эрых Хонекер (на той час генеральны сакратар Сацыялістычнай партыі Германіі) .

З 1991 года прадпрыемства дзейнічае як акцыянернае таварыства^[3] . У 1997 годзе завод атрымаў сертыфікат сістэмы забеспячэння якасці ISO 9001^[4] .

У пачатку XXI ст. завод быў падзелены на завод электрычных машын Zakład Maszyn Elektrycznych EMIT S.A. (Cantoni Group), EV Żychlińskie Transformatory (уласна трансфарматарны завод у Жыхліне) і інструментальны завод Zakład Narzędziowy "NARMOD" Sp. z o. o.

У 2001 годзе трансфарматарны завод быў выведзены ў асобную кампанію пад назвай EV Żychlińskie Transformatory, належачай Elektrim-Volt у Варшаве. У снежні 2005 года кампанія змяніла ўладара і з красавіка 2006 года працуе пад назвай Fabryka Transformatorów w Żychlin (Завод трансфарматараў у Жыхліне).

Рухавікі EMIT выкарыстоўваюццая або выкарыстоўваліся ў такіх машынах, як:

• трамваі:
  • 118N Puma
  • Tatra RT6 MF 06 AC
• тралейбусы
  • Solaris Trollino 12
  • Solaris Trollino 15
  • MAZ-203T8M^[5] – дакладней тралейбусаў на аснове корпусаў аўтобусаў МАЗ 203 і асінхронных рухавікоў STDa 280-6B/175 магутнасцю 175 кВт вырабленных на EMIT.
• чыгуначныя электравозы:
  • Newag Dragon^[6]
• электрапаязды:
  • Newag 19WE – асінхронны рухавік SXT315-L4C
  • EN57

Таксама завод вырабляе сілавыя трансфарматары (масленныя і сухія), масленыя і сухія дугагасячыя рэактары, рэактары дугагасячыя, аўтатрансфарматары.^[7]

1. ↑ Oferta sprzedaży domeny: zyciekutna.pl (польск.). www.aftermarket.pl. Праверана 23 снежня 2023.
2. ↑ Historia zakładu - Fabryka Transformatorów w Żychlinie Sp. z o.o. (нявызн.)(недаступная спасылка). web.archive.org (18 лістапада 2012). Архівавана з першакрыніцы 18 лістапада 2012. Праверана 24 снежня 2023.
3. ↑ Historia zakładu - Fabryka Transformatorów w Żychlinie Sp. z o.o. (нявызн.)(недаступная спасылка). web.archive.org (18 лістапада 2012). Архівавана з першакрыніцы 18 лістапада 2012. Праверана 24 снежня 2023.
4. ↑ historia :: Emit :: silniki, komponenty, narzędzia (нявызн.)(недаступная спасылка). web.archive.org (29 верасня 2012). Архівавана з першакрыніцы 29 верасня 2012. Праверана 24 снежня 2023.
5. ↑ Lubus (нявызн.). www.lubus.info. Праверана 23 снежня 2023.
6. ↑ Wayback Machine (нявызн.)(недаступная спасылка). web.archive.org. Архівавана з першакрыніцы 17 снежня 2014. Праверана 23 снежня 2023.
7. ↑ FT ŻYCHLIN - OFFER (нявызн.). www.ftz.pl. Праверана 24 снежня 2023.