Пудра

Пудра (ад фр.: Poudre^[1]) — выраб дэкаратыўнай касметыкі. Робіцца ў парашкападобныя, вадкай і спрасаванай кампактнай форме. Гэта араматызаваныя тонкадысперсная аднастайная сумесь мінеральных і арганічных рэчываў, прызначаная для паляпшэння колеру твару, для абароны скуры ад шкодных уплываў асяроддзя і ўбірання выдзяленняў скуры.

Склад: тальк, вокіс цынка, дыаксід тытана, каалін.

Шырока распаўсюджаныя пудры белага, ружовага, жаўтлявага (рашэль), жаўтлява-ружовага колераў, а таксама колеру загару і персіка. Для афарбоўвання пудры ўжываюць фарбавальнікі неарганічныя (сіена, жалезааксідныя пігменты жоўты і чырвоны і інш.), арганічныя (эазін, лак чырвоны ЖБ, фарбы касметычныя), мінеральнага і сінтэтычнага паходжання. Каб пудра мела прыемны пах, у яе дадаюць водарнікі.