Google Map Maker

Google Map Maker
Тып	картаграфія
Даступныя мовы	шматмоўная (у тым ліку і беларуская)
Уладальнік	Google
Аўтар	Google
Пачатак працы	чэрвень 2008[1]
Канец працы	31 сакавіка 2017
Рэгістрацыя	абавязковая
Актуальны стан	зачынены (2017)
maps.google.com/mapmaker

Google Map Maker (па-беларуску: Картограф Google^[2]) — картаграфічны сэрвіс ад Google, мэта якога, у адрозьненьне ад Google Maps — даць магчымасьць карыстальнікам самім дарабіць картаграфічную інфармацыю, адсутную, ці ў недакладным выглядзе, на мапах розных краінаў. Вынікам зьяўляецца праца супольнасьці, што падобнае да іншага картаграфічнага сэрвісу OpenStreetMap або WikiMapia, але, у адрозьненьне ад OSM, Google лічыць створаныя супольнасьцю мапы асабістай інтэлектуальнай маёмасьцю.

У выніку, пасьля пацьвярджэньня рэдагаваньняў, унёсак удзельнікаў сэрвісу стае бачным у выглядзе звыклых мапаў на Google Maps і Google Earth.

Па стане на 27 жніўня 2009 году сэрвіс даступны для наступных тэрыторыяў (маецца на ўвазе, што можна рабіць мапы на наступных тэрыторыях):^[3]

Сэрвіс даступны не для ўсіх тэрыторыяў з бракам высокаякасных мапаў. Гэтак адбываецца, па большасьці варункаў, з-за браку якасьці фатаздымкаў гэтых тэрыторыяў.

17 жніўня 2009 году даступнай для рэдагаваньняў стала і тэрыторыя Беларусі.^[4]

• OpenStreetMap
• WikiMapia