Metropolitanong Katedral nin Naga

An Metropolitanong Katedral nin Naga iyo an simbahan kan paroko ni San Juan Evangelista na sakop kan Arkidiosesis nin Caceres. Ini namumugtak sa kalye Elias Angeles sa Syudad nin Naga asin an katedral kataraid an eskwelahan na Naga Parochial School asin man an Holy Rosary Minor Seminary

An Katedral napangyare kan an Dioceses nin Nueva Caceres pinagmukna huli sa ri'gon kan Papal Bull kan Agosto 14, 1595. Alagad, an nasabing katedral bako pa sa presenteng lugar kundi yaon namugtak sa kun saen an presenteng saod ngonyan, harani sa tulay nin Tabuc, sa kantong gayo kan inapod na ngonyan na Kalye Zamora asin kalye Heneral Luna. An katedral narogba' nin kasulo kan taon 1768. An paghaman kan presenteng katedral sa Espanyol-Romanesque'ng istilo pino'nan kan 1808 (1816?) asin ini pinagboot ni Obispo Bernardo de la Concepcion. Alagad, an nasabing edipisyo kan katedral tinugdok na sa pueblocillo nin Santa Cruz, na sa presente iyo na ngonyan an namumugtakan kaini. Natapos ini kan taon 1843 asin dinuhulan bendisyon ni Mons. Tomas Ladron de Guevara. Kan Oktobre 24, 1856 an Katedral linamasa nin makusogon na bagyo asin naraot. Si Rev. Fray Francisco Gainza (1862-1879) pighingoa na mapahirahay asin mabalik sa dating gayon niya. Kan taon 1887 inagihan naman ini nin makusog na linog alagad sa paagi nin Obras Publicas napahirahay man tolos sa direksyon ni Obispo Arsenio Campo asin katuwang si Inhinyero Ricardo Ayuso natapos an paghirahay kan taon 1890.^[1]

• Gerona, Danilo M. Yglesia Catedral de San Juan Evangelista de la Ciudad de Nueva Caceres (1595-1898).228 na pahina. Publikado 2019 kan Bikol Historical Research Center.

• 
• 
  Gilid kan Katedral
• 
  Atubangan kan Katedral
• 
  An Porta Mariae
• 
  Arko nin Quadricentennial
• 
  Kastilyo
• 
  Likod kan Katedral
• 
  Gamping toong gilid
• 
  An Seminaryo
• 
  Gamping walang-atubangan
• 
  Katedral kan Syudad nin Naga (2009)
• 
  An Naga Katedral(2011)
• 
  An Metropolitan Katedral kan Syudad nin Naga, Marso 2019.
• 
  An atubangan kan Porta Mariae sa Metropolitan Katedral kan Syudad nin Naga kan Marso 2019.
• 
  Brief note on the Porta Mariae
• 
  Peñafrancia Devotees Board of Trustees

Pinopoonan an artikulong ini. Makakatabang ka sa Bikol Wikipedia sa pagparambong kaining pahina.