Qaraultəpə

Qaraultəpə — Azərbaycanın Qəbələ rayonunun Savalan kəndinin Cənubunda orta əsr istehkamının qalıqları.

Qədim Qəbələ qalasının müşahidə məntəqəsi olub. Arxeoloji qazıntılar zamanı (1963) Qaraultəpə və onun ətrafındakı altı təpədə tikili qalıqları, saxsı qablar, təndir və s.aşkar edilib. Şirli və şirsiz qablar hazırlanma texnikasına görə Qəbələ qalasının Səlbir və Qala hissəsinin, həmçinin Beyləqan qalasının IX–XII əsrlərə aid mədəni təbəqəsindən tapılmış gil qablarla oxşardır.