Tamavafa gadakiewega koe Uganda

Bat teliz va kot debak bendeyen dene Tamavafa Gadakiewega ke UNESCO koe Uganda otular.

Bak 2018, baroy debak ke Uganda tid ke winugafa vexala ke Tamavafa Gadakiewega : 1 arayaf is 2 tuwavaf.

Winugafa vexala

Bat debak bevular iyelaf

Kasubi naboxaxo	Welmot : 0.27 km²
Arayaf debak bendeyen bak 2001	Ludeem : (i) (iii) (iv) (vi)	UNESCO otuk : 1022
Debala : Kampala Utca	Maneka : 0° 20' 56" L-, 32° 33' 04" R-
Naboxa ke gazik ke Buganda koe Kasubi moe mon 30 decemiray ke ventaxo koe Kampala utca divlized. Lok ke debak tir tawamidun seg saven kan prostewafa nuva. Istexo tice kesi tir savsafa berma ke Kabaka nafalik ke Buganda, kolnayana bak 1882 aze artazukayana ton gazafo awalkikxo bak 1884. Balemoya gazafa naboxa koe Muzibu Azaala Mpanga re tigid, i koe ivamukorafa dalafa kolna dem ticef sfelt. Ina tir zolonafa tula va kalskura kan blixafa ugota : inta is vuma is edgarda is konaka storlinda. Benelafa sugdala ke debak soe tir nope ugafa voda kum folixa is swavuca is trenuca is pilkoma. ^[1]

Bwindi aalxo	Welmot : 320.92 km²
Tuwavaf debak bendeyen bak 1994	Ludeem : (vii) (x)	UNESCO otuk : 682
Debala : Kabale Utca, Kisoro Utca, Rukungiri Utca	Maneka : 1° 04' 52" G-, 29° 39' 40" R-
Bwindi vedeyaf gerd getalte Uganda kimon ice azekaala is meftaala tigir ise va loon 320 km² besar ise va va kulafa bligedruca dem loon 160 aalafa katca isu 100 ruckafa atoer. Va jontika zveriinda isu bordinda bravar, is va konaka dratcena sulemafa katca, don meftavaf yiwol. ^[2]

Rwenzori	Welmot : 996 km²
Tuwavaf debak bendeyen bak 1994	Ludeem : (vii) (x)	UNESCO otuk : 684
Debala : Bundibugyo Utca, Kabarole Utca, Kasese Utca	Maneka : 0° 13' 26" L-, 29° 55' 26" R-
Rwenzori vedeyaf gerd talte Uganda tigir, dem lok ke Rwenzori jaka dem ontine vas 5109 m- tice Margherita arna ( bareafe ontine ke Afrika ). Tir listapafa gola dem opraxo is narda is uzda tisa a kona miltaca koe kotafa Afrika. Gerd va zolonafo tuwavafo blixo ke yona dratcena katca ruldar, is va lan ruxeem kulaf gu jontika apta, don gulafa prioka. ^[3]