Mira tamién: au, Au

Asturianu

Pronunciación y silabación: [ ˈaw ] (masque l'acentu gráficu tea na vocal «u», la pronunciación ye de diptongu y non d'hiatu)

Alverbiu

(Alverbiu interrogativo-esclamativu), (Alverbiu de llugar) Alverbiu interrogativu y esclamativu que sirve pa saber el sitiu del fechu o de l'acción.
¿Aú tuviesti ayeri?
(Alverbiu interrogativo-esclamativu), (Alverbiu de llugar) Alverbiu interrogativu y esclamativu que sirve pa saber en qué sitiu asocede'l fechu o l'acción
¿Aú lleesti nel periódicu que mañana había fuelga?
(Alverbiu interrogativo-esclamativu), (Alverbiu de llugar) Alverbiu interrogativu y esclamativu que sirve pa saber pa qué sitiu asocede'l fechu o l'acción.
¿Aú dirán esos rapazos tan gayoleros?
(Alverbiu interrogativo-esclamativu), (Alverbiu de mou) Cómo, de qué manera, de qué mou.
Daquella l'aceite yera caro, aú se podía comprar.

Esta forma «aú» nun s'usa precedida de nenguna preposición. Nesos casos, ha usase la forma «ú» (o'l so sinónimu «ónde»):

¿Aú punxesti'l periódicu, que quiero lleelu? = ¿Ú punxesti'l periódicu, que quiero lleelu? = ¿Ónde punxesti'l periódicu, que quiero lleelu?
pero ¿Per ú crucies pa dir pa casa? = ¿Per ónde crucies pa dir pa casa?; (*¿Per aú crucies...? ye incorrecto).