Mira tamién: onde

Pronunciación y silabación: [ ˈo(ŋ)n.de ]

1. (Alverbiu interrogativo-esclamativu), (Alverbiu de llugar) Alverbiu interrogativu y esclamativu que sirve pa saber el sitiu del fechu o de l'acción.

   ¿Ónde tuviesti ayeri?

   ¿Per ónde vas pa dir pa casa?

2. (Alverbiu interrogativo-esclamativu), (Alverbiu de llugar) Alverbiu interrogativu y esclamativu que sirve pa saber en qué sitiu asocede'l fechu o l'acción

   ¿Ónde lleesti nel periódicu que mañana había fuelga? (= ¿N'ónde lleesti..?)

3. (Alverbiu interrogativo-esclamativu), (Alverbiu de llugar) Alverbiu interrogativu y esclamativu que sirve pa saber pa qué sitiu asocede'l fechu o l'acción.

   ¿Ónde dirán esos rapazos tan gayoleros? (= ¿Ánde dirán..?)

4. (Alverbiu interrogativo-esclamativu), (Alverbiu de mou) Cómo, de qué manera, de qué mou.

   Daquella l'aceite yera caro, ónde se podía comprar.

Sinónimos[editar]

• [1, 2, 3] ú (~ aú)
• [4] cómo

Pallabres rellacionaes[editar]

• ánde
• qué, quién, cuál, cuántu/cuánto, cuándo, cómo
• onde

• Diccionariu de la Llingua Asturiana; Academia de la Llingua Asturiana, 2000, Uviéu; ISBN: 84-8168-208-X. Versión on-line.
• Gramática de la Llingua Asturiana; Academia de la Llingua Asturiana, 2001, Uviéu, 3ª edición; ISBN: 84-8168-210-8. Consulta PDF on-line.