The Cure

The Cure
Datos
Tipu	grupu musical
Miembros	Robert Smith, Simon Gallup, Roger O'Donnell, Jason Cooper, Reeves Gabrels y Michael Dempsey
Xéneru	rock alternativu, rock gótico (es) , Post-punk y new wave
Sellu discográficu	Fiction Records; Suretone Records (es) ; Geffen Records (es) ; Polydor Records; Elektra Records; Sire Records (es) ; Asylum Records
País	Reinu Xuníu
Orixinarios de	Crawley
Fecha fundación	1976
	Web oficial

The Cure ye una banda británica de post punk formada a mediaos de los 70 en en Crawley, llocalidá al sur de Londres. Orixinalmente llamóse Easy Cure, adoptando'l nome actual a partir de 1978; ellí yá figuraba la so alma máter, Robert Smith, como guitarra solista anque orixinalmente nun foi'l cantante.

The Cure algamaron la cota más alta de popularidá ente mediaos de los 80 y principios de los 90, mientres les siguientes dos décades (2000 y 2010) la so producción musical foi en descensu.

Carrera

Mientres la so estensa carrera musical, The Cure pasó por distintos xéneros y estilos musicales tales como'l post-punk, en dalgunos de les sos primeres temes como «Another Day» o «In Your House», el rock góticu, en temes como «One Hundred Years» y «A Forest», la música new wave británica, allegre y optimista en temes como, por casu, «Friday I'm in Love» o «Close to Me» ya inclusive por dellos momentos d'electrónica como en «The Walk» o «Let's Go to Bed»; sicasí'l "rock góticu" (o post punk) ye'l xéneru col cual siempres foi emparentáu'l grupu, por definición.

The Cure foi tamién consideráu como unu de los grupos más referenciales del rock alternativu, influyendo a bandes del panorama "indie" como Mogwai o Interpol y, de la mesma, influyíos pola escena "shoegaze" inglesa por grupos como My Bloody Valentine.

La banda pasó por múltiples formaciones, la más estable foi la entendida ente los años 1985 y 1989 col baxista Simon Gallup, el batería Boris Williams, el teclista Laurence Tolhurst y el guitarrista Porl Thompson, xunto al líder carismáticu y cara visible del proyeutu: Robert Smith. Mientres esi mesmu añu 1989 publicó la que ta considerada como la so obra cume: Disintegration, discu col que la banda algamó'l so puestu más altu nes llistes britániques col senciellu «Lullaby», que s'asitió en quintu llugar mientres seis semanes.

L'apariencia estética carauterística del líder de la banda, Robert Smith, frecuentemente vistíu con ropa prieta y con un efeutu borroneado de llapiceru de llabios, sumáu a les lletres -que con frecuencia son introspectives y esistenciales- fixeron que la banda sía acomuñada xeneralmente col enriba mentáu rock gótico (tamién conocíu n'España como "rock siniestru"). Sicasí, Smith refugó esta categorización y enmarcó a la banda dientro d'un únicu xéneru:

«Ye tan murniu qu'a The Cure siga llamándose-y góticu. [...] Nun somos categorizables. Supongo que yéramos post-punk cuando salimos, pero globalmente ye imposible categorizarnos. [...] Yo toco música de The Cure, sía como quier qu'esto signifique».

Hasta 2013, The Cure editó 13 álbumes d'estudiu, 34 senciellos y numberosos discos recopilatorios y reediciones. El conxuntu foi nomáu en 1993 y en 2001 al "Grammy", como meyor grupu de música alternativa. En 2005, el so líder, Robert Smith llogró'l Premiu "Ivor Novello", y en 2009 recibió en nome de la banda'l premiu "Godlike Genius" dau pola publicación NME. Ente 1978 -añu de la so formación- y 2004, The Cure vendió alredor de 30 millones de discos en tol mundu.

Miembros

Robert Smith - voz, guitarra
Simon Gallup - baxu
Jason Cooper - batería
Roger O'Donnell - teclaos
Reeves Gabrels - guitarra

Antiguos miembros

Michael Dempsey
Matthieu Hartley
Andy Anderson
Phil Thornalley
Laurence "Lol" Tolhurst
Boris Williams
Perry Bamonte
Porl Thompson

Discografía

Three Imaginary Boys (1979)
Seventeen Seconds (1980)
Faith (1981)
Pornography (1982)
The Top (1984)
The Head on the Door (1985)
Kiss Me, Kiss Me, Kiss Me (1987)
Disintegration (1989)
Wish (1992)
Wild Mood Swings (1996)
Bloodflowers (2000)
The Cure (2004)
4:13 Dream (2008)
Songs of a Lost World (2024)

Referencies

Enllaces esternos