[go: up one dir, main page]
Saltar al conteníu

Méxicu

Editar los enllaces
Coordenaes: 23°N 102°W / 23°N 102°O / 23; -102
De Wikipedia
(Redirixío dende Mexicana)
Méxicu
estáu soberanu
Bandera de México (es) Traducir escudu de Méxicu
Himnu nacional Himnu Nacional Mexicanu
Alministración
Nome oficial Estaos Xuníos Mexicanos
Capital Ciudá de Méxicu
Forma de gobiernu república federal
Presidente de Méxicu Claudia Sheinbaum (dende 30 setiembre 2024)
Presidente de Méxicu Claudia Sheinbaum (dende 30 setiembre 2024)
Llingües oficiales castellanu
náhuatl
maya
llingües de Méxicu
División
Rellaciones diplomátiques
Miembru de
Xeografía
Coordenaes 23°N 102°W / 23°N 102°O / 23; -102
Superficie 1 972 550 km² (puestu 15)
% agua 2,5%
Costes Océanu Pacíficu, océanu Atlánticu
Llenda con 3152 km al norte con Estaos Xuníos d'América, al sureste 956 km con Guatemala y 193 km con Belize
Puntu más altu Citlaltépetl (es) Traducir
Puntu más baxu Laguna Salada (es) Traducir
Demografía
Población 112 322 757 (12−06−2010) hab. (2017)
Densidá Error d'espresión: Caráuter de puntuación "&" non reconocíu. hab/km²
Xentiliciu mexicanu (xéneru masculín)
mexicana (xéneru femenín)
Esperanza de vida 77,118 años
IDH 0,758 (2021)
Tasa de fertilidá 2,243 (2014)
Economía
Moneda pesu mexicanu
PIB nominal 1 272 838 810 896 $ (2021)
Bancu central Banco de México (es) Traducir
Más información
Dominiu d'Internet .mx
Códigu telefónicu +52
Códigu ISO 484 / MEX / MX
Estaya horaria Hora Estándar Central, Mountain Time Zone (MTZ), Tiempu del Pacíficu y Horariu del este de Norteamérica
gob.mx
Cambiar los datos en Wikidata

Méxicu[11] o México[12] (castellán: México; náhuatl: Mēxihco), nomáu oficialmente Estaos Xuníos Mexicanos, ye un país d'América del Norte. Asitiáu na parte meridional del subcontinente, llenda al norte colos Estaos Xuníos d'América, al sureste con Belize y Guatemala, al este col golfu de Méxicu y el mar Caribe y al oeste col océanu Pacíficu. Ye'l decimocuartu país mayor del mundu, con alredor de dos millones de kilometros cuadraos d'estensión, y tien una población (INEGI, 2010) de cuasique 112 millones de persones. Les más d'elles tienen como llingua materna l'español, que ye la llingua nacional del país xunto con otres 67 llingües indíxenes[13] .

La presencia humana en Méxicu remóntase a 30.000 años AP. Tres de dellos milenios de desarrollu cultural surdieron nel actual territoriu de Méxicu les cultures mesoamericanes, aridoamericanes y oasisamericanes. Nel sieglu XVI el so espoxigue foi interrumpíu pola llegada los españoles, que dominaron el país hasta 1810, cuando'l país entamó la llucha pola so independencia. Algamada esta, el país foi escenariu demientres el sieglu siguiente de delles guerres internes y invasiones foriatas, qu'afectaron fondamente la vida diaria de los mexicanos. El sieglu XX (especialmente la primer metá) foi, baxo la direición política ininterrumpida del Partíu Revolucionariu Institucional, una época de gran espoxigue económicu.

Según la Organización Mundial del Turismu Méxicu ye'l principal destinu turísticu d'América Llatina, y ún de los diez países más visitaos del mundu[14]. Inflúin nesi fechu la existencia nel país de 31 llugares, culturales y naturales, consideraos pola UNESCO como Patrimoniu de la Humanidá. Pol volume del so productu interior brutu nominal ye consideráu la decimocuarta economía mundial[15], siendo la segunda mayor economía d'América Llatina y la cuarta de tol continente. El repartu de la riqueza, por embargu, ye perdesigual, coexistiendo nel país conceyos con índices de desarrollu humanu asemeyaos a los d'Alemaña[16] con otros con índices asemeyaos a los de Burundi[17]. Méxicu ye tamién ún de los países con mayor diversidá climática del mundu, y agospia el 10-12% de tola biodiversidá mundial[18] y más de 12.000 especies endémiques.[19]

Políticamente Méxicu ye una república democrática, representativa y federal formada por 31 estaos y un distritu federal, qu'abarca la Ciudá de Méxicu, sede del gobiernu y les instituciones de la federación, y la so rodiada.

Historia

[editar | editar la fonte]

Política y gobiernu[20]

[editar | editar la fonte]

Organización política

[editar | editar la fonte]

L'actual Constitución mexicana foi aprobada'l 5 de febreru de 1917. Por ella Méxicu defínese como una república federal representativa y democrática, que ta dividida en 31 estaos y un distritu federal.

El poder executivu ye exercíu pol presidente, elixíu pa seis años por votu popular direutu pa un mandatu únicu; ayúdenlu un gabinete formáu por 18 secretarios y un fiscal xeneral. El poder llexislativu tiénlo'l Congresu Xeneral, un muérganu bicameral qu'inclúi al Senáu y la Cámara de Diputaos. Esta fórmenla 500 diputaos; d'ellos 300 son escoyíos siguiendo'l principiu de votación mayoritaria, y los otros 200 por representación proporcional. El Senáu fórmenlu 128 senadores; son cuatro por cada estáu, trés escoyíos de forma direuta y l'otru por representación proporcional. Nin los senadores nin los diputaos pueden ser elixíos pa periodos consecutivos. El poder xudicial, pela so banda, tien como muérganu cimeru la Suprema Corte de Xusticia, formada por once maxistraos.

A nivel estatal repítese esti esquema organizativu. Hay un gobernador qu'exerce'l poder executivu, una Cámara de Diputaos que llexisla y un Tribunal Superior de Xusticia.

Gobiernu

[editar | editar la fonte]

L'actual presidente de la República ye, dende'l 1 d'avientu de 2018, Andrés Manuel López Obrador. El presidente de la Cámara de Diputaos ye Porfirio Muñoz Ledo, y el Senáu ta presidíu por Martí Batres Guadarrama. El gabinete ministerial fórmenlu les siguientes secretaríes (ministerios) y persones:

  • Agricultura y Desarrollu Rural: Victor Villalobos Arámbula.
  • Economía: Graciela Márquez Colín.
  • Comunicaciones y Tresportes: Javier Jiménez Espriú.
  • Cultura: Alejandra Frausto Guerrero.
  • Función Pública: Irma Eréndira Sandoval Ballesteros.
  • Defensa Nacional: Luis Crescencio Sandoval González.
  • Bienestar: María Luisa Albores González.
  • Educación Pública: Esteban Moctezuma Barragán.
  • Enerxía: Rocío Nahle García.
  • Gobernación: Olga María del Carmen Sánchez-Cordero Dávila.
  • Facienda y Creitu Públicu: Carlos Manuel Urzúa Macías.
  • Marina: José Rafael Ojeda Durán.
  • Mediu Ambiente y Recursos Naturales: Víctor Manuel Toledo Manzur.
  • Desarrollu Agrariu, Territorial y Urbanu: Román Meyer Falcón.
  • Rellaciones Esteriores: Marcelo Luis Ebrard Casaubón.
  • Salú: Jorge Carlos Alcocer Varela.
  • Trabayu y Previsión Social: Luisa María Alcalde Luján.
  • Turismu: Miguel Torruco Marqués.
  • Seguridá y Proteición Ciudadana: Alfonso Durazo Montaño.

Partíos políticos y sindicatos

[editar | editar la fonte]

Los principales partíos políticos mexicanos, y los sos actuales presidentes, son los que vienen darréu:

  • Partíu Revolucionariu Institucional (PRI), presidíu por Pedro Joaquín Coldwell.
  • Partíu d'Aición Nacional (PAN), presidíu por Gustavo Madero.
  • Partíu de la Revolución Democrática (PRD), presidíu por Jesús Zambrano Grijalva.
  • Partíu del Trabayu (PT), que'l so coordinador nacional ye Alberto Anaya Gutiérrez.
  • Partíu Verde Ecoloxista de Méxicu (PVEM), que'l so voceru nacional ye Arturo Escobar y Vega.
  • Converxencia/Movimientu Nacional, presidíu por Luis Walton Aburto.
  • Partíu Nueva Alianza (PANAL), presidíu por Luis Castro Obregón.

D'ente los sindicatos del país pueden destacase, pola so importancia:

  • Confederación de Trabayadores de Méxicu (CTM), que'l so secretariu xeneral ye Joaquín Gamboa Pascoe.
  • Confederación Nacional Campesina (CNC), presidida por Gerardo Sánchez García.

Organización territorial

[editar | editar la fonte]

Los Estaos Xuníos Mexicanos son una federación formada por 31 estaos soberanos, que tien xurisdicción sobro'l Distritu Federal y otros territorios. Caún de los estaos tien la so propia constitución, parllamentu y sistema xudicial, y los sos ciudadanos elixen por votu direutu a un gobernador pa un periodu de seis años, y a los sos representantes na cámara de diputaos estatal pa un periodu de trés. El Distritu Federal ye una entidá con un status especial: pertenez al conxuntu la federación y non a dengún estáu en particular y tien, poro, poderes llocales más llimitaos que los de los estaos.

Los estaos tán sodividíos en conceyos, gobernaos por un alcalde o presidente municipal elixíos por sufraxu direutu.

División territorial de Méxicu.

Capital federal

[editar | editar la fonte]
Entidá Nome oficial Bandera Estensión Población (2010) Fecha de fundación
Ciudá de Méxicu Ciudad de México 1.485 km² 8.720.916 18 de payares de 1824

Estaos mexicanos

[editar | editar la fonte]
Estaos de Méxicu
Estáu Nome oficial

Estado Libre y Soberano de

Bandera Capital Ciudá más poblada Estensión[21] Población (2010)[22] Númberu d'orden d'admisión
na federación 		Fecha d'admisión
na federación
Aguascalientes Aguascalientes Aguascalientes Aguascalientes 5.618 km² 1.184.996 24º 5 de febreru
de 1857
Baxa California Baxa California Mexicali Tijuana 71.446 km² 3.155.070 29º 16 de xineru
de 1952
Baxa California Sur Baxa California Sur La Paz La Paz 73.922 km² 637.026 31º 8 d'ochobre
de 1974
Campeche Campeche San Francisco de Campeche San Francisco de Campeche 57.924 km² 822.441 25º 29 d'abril
de 1863
Chiapas Chiapas Tuxtla Gutiérrez Tuxtla Gutiérrez 73.289 km² 4.796.580 19º 14 de setiembre
de 1824
Chihuahua Chihuahua Chihuahua Ciudad Juárez 247.455 km² 3.406.465 18º 6 de xunetu
de 1824
Coahuila1 4 Coahuila de Zaragoza Saltillo Torreón 151.563 km² 2.748.391 16º 7 de mayu
de 1824
Colima6 Colima Colima Manzanillo 5.625 km² 650.555 23º 12 de setiembre
de 1856
Durango Durango Victoria de Durango Victoria de Durango 123.451 km² 1.632.934 17º 22 de mayu
de 1824
Guanajuato Guanajuato Guanajuato León 30.608 km² 5.486.372 2º 20 d'avientu
de 1823
Guerrero Guerrero Chilpancingo de los Bravo Acapulco 63.621 km² 3.388.768 21º 27 d'ochobre
de 1849
Hidalgo Hidalgo Pachuca Pachuca 20.846 km² 2.665.018 26º 16 de xineru
de 1869
Jalisco Jalisco Guadalajara Guadalajara 78.599 km² 7.350.682 9º 23 d'avientu
de 1823
Méxicu Méxicu Toluca de Lerdo Ecatepec de Morelos 22.357 km² 15.175.862 1º 20 d'avientu
de 1823
Michoacán Michoacán de Ocampo Morelia Morelia 58.643 km² 4.351.037 5º 22 d'avientu
de 1823
Morelos Morelos Cuernavaca Cuernavaca 4.893 km² 1.777.227 27º 17 d'abril
de 1869
Nayarit Nayarit Tepic Tepic 27.815 km² 1.084.979 28º 26 de xineru
de 1917
Nuevo León4 Nuevo León Monterrey Monterrey 64.220 km² 4.653.458 15º 7 de mayu
de 1824
Oaxaca Oaxaca Oaxaca de Juárez Oaxaca de Juárez 93.793 km² 3.801.962 3º 21 d'avientu
de 1823
Puebla Puebla Puebla de Zaragoza Puebla de Zaragoza 34.290 km² 5.779.829 4º 21 d'avientu
de 1823
Querétaro Querétaro de Arteaga Santiago de Querétaro Santiago de Querétaro 11.684 km² 1.827.937 11º 23 d'avientu
de 1823
Quintana Roo Quintana Roo Chetumal Cancún 42.361 km² 1.325.578 30º 8 d'ochobre
de 1974
San Luis Potosí San Luis Potosí San Luis Potosí San Luis Potosí 60.983 km² 2.585.518 6º 22 d'avientu
de 1823
Sinaloa Sinaloa Culiacán Culiacán 57.377 km² 2.767.761 20º 14 d'ochobre
de 1830
Sonora2 Sonora Hermosillo Hermosillo 179.503 km² 2.662.480 12º 10 de xineru
de 1824
Tabasco5 Tabasco Villahermosa Villahermosa 24.738 km² 2.238.603 13º 7 de febreru
de 1824
Tamaulipas4 Tamaulipas Ciudad Victoria Reynosa 80.175 km² 3.268.554 14º 7 de febreru
de 1824
Tlaxcala Tlaxcala Tlaxcala Vicente Guerrero 3.991 km² 1.169.936 22º 9 d'avientu
de 1856
Veracruz Veracruz de
Ignacio de la Llave 		Xalapa Veracruz 71.820 km² 7.643.194 7º 22 d'avientu
de 1823
Yucatán³ Yucatán Mérida Mérida 39.612 km² 1.955.577 8º 23 d'avientu
de 1823
Zacatecas Zacatecas Zacatecas Zacatecas 75.539 km² 1.490.668 10º 23 d'avientu
de 1823

Notes:

  1. El so nome de la que s'axuntó a la federación yera Coahuila y Texas.
  2. Axuntose a la federación col nome d'Estáu d'Occidente, magar que yera conocíu tamién como Sonora y Sinaloa.
  3. Axuntose a la federación col nome de República Federada de Yucatán, y comprendía los territorios de los actuales estaos de Yucatán, Campeche and Quintana Roo. Declaró la so independencia en 1841, formando la Segunda República de Yucatán, y axuntose de vez a la federación mexicana en 1848.
  4. Los estaos de Nuevo León, Tamaulipas and Coahuila declaráronse independientes en 1840, y formaron la República del Río Grande. La república nun llegó a consolidase, porque les sos tropes foron derrotaes poles centralistes.
  5. L'estáu de Tabasco dixebróse de Méxicu dos vegaes. La primer d'ella dende'l 13 de febreru de 1841 hasta'l 2 d'avientu de 1842; la segunda dende'l 9 de payares de 1846 hasta'l 8 d'avientu d'esi añu.
  6. Inclúi l'archipiélagu de Revillagigedo, que ye alministráu dende'l estáu federal.

Demografía

[editar | editar la fonte]

La población del país yera en 2010, según datos oficiales, de 112.336.538 habitantes. El 75% d'ellos figuren nes estadístiques oficiales como mestizos, el 6% como amerindios y el 19% blancos d'orixe européu.

Economía

[editar | editar la fonte]
Artículu principal: Economía de Méxicu

Ye'l país de fala hispana con mayor PIB (en PPA).

Natura

[editar | editar la fonte]

Nel ismu de Tehuantepec, asítiase la llende ente'l grupu d'especies d'América del Norte y del Sur.

Referencies

[editar | editar la fonte]
  1. ↑ URL de la referencia: https://www.interpol.int/Member-countries/World. Editorial: Interpol. Data de consulta: 7 avientu 2017.
  2. ↑ URL de la referencia: https://www.iho.int/srv1/index.php?option=com_wrapper&view=wrapper&Itemid=452&lang=en. Editorial: Organización Hidrográfica Internacional. Data de consulta: 8 avientu 2017.
  3. ↑ URL de la referencia: http://www.nuclearsuppliersgroup.org/en/participants1. Editorial: Grupu d'abastecedores nucleares. Data de consulta: 7 avientu 2017.
  4. ↑ URL de la referencia: https://www.opcw.org/about-opcw/member-states/. Editorial: Organización pa la Prohibición d'Armes Químiques. Data de consulta: 7 avientu 2017.
  5. ↑ URL de la referencia: http://www.unesco.org/eri/cp/ListeMS_Indicators.asp.
  6. ↑ URL de la referencia: http://www.upu.int/en/the-upu/member-countries.html. Data de consulta: 4 mayu 2019.
  7. ↑ URL de la referencia: https://www.itu.int/online/mm/scripts/gensel8. Data de consulta: 4 mayu 2019.
  8. ↑ URL de la referencia: https://public.wmo.int/en/members/mexico. Data de consulta: 26 mayu 2020.
  9. ↑ URL de la referencia: https://www.who.int/choice/demography/by_country/en/. Data de consulta: 21 xunetu 2020.
  10. ↑ URL de la referencia: https://www.wcoomd.org/-/media/wco/public/global/pdf/about-us/wco-members/list-of-members-with-membership-date.pdf. Data de consulta: 16 marzu 2024. Páxina: 2. Supports qualifier: data de principiu.
  11. ↑ 11,0 11,1 (2010) Cartafueyos Normativos. Nomes de los países del mundu y de les sos capitales y xentilicios. Uviéu: Academia de la Llingua Asturiana. ISBN 978-84-8168-500-8.
  12. ↑ Como apaez na entrada de «mexicanu» nel DALLA [1]
  13. ↑ INALI (13 de marzu de 2003). «Ley General de Derechos Lingüísticos de los Pueblos Indígenas». Consultáu'l 7 de payares de 2010.
  14. ↑ Organización Mundial del Turismu (2011). «UNWTO Tourism Highlights 2011 Edition» (inglés). Consultáu'l 1 d'abril de 2012. «Páxina 6»
  15. ↑ Bancu Mundial, 2007 World Development Indicators.
  16. ↑ Por exemplu, na delegación Benito Juárez (D.F.). "La vida en la Benito Juárez, al nivel de Alemania", nota del diariu El Universal, 25 d'ochobre de 2004, consultada'l 8 d'ochobre de 2007.
  17. ↑ Por exemplu Metlatónoc, na rexón de la Mixteca, nel estáu de Guerrero, que hasta que se creó'l conceyu de Chochoapa el Grande yera'l conceyu col peor índiz de desarrollu humanu en Méxicu. "Metlatónoc: el imperio de la pobreza" Archiváu 2012-01-18 en Wayback Machine, nota de Sergio Ocampo Arista pal diariu La Jornada, 26 de xunetu de 2005; "Chochoapa el Grande, el municipio más pobre de América Latina" Archiváu 2007-10-30 en Wayback Machine, nota de Sergio Ocampo en La Jornada del 20 de marzu de 2007, consultada'l 8 d'ochobre de 2007.
  18. ↑ «Biodiversidad de Méxicu». SEMARNAT. Archiváu dende l'orixinal, el 2007-10-07. Consultáu'l 07-10-2007.
  19. ↑ Conservation International (2000). «Biodiversity Theme Report». Consultáu'l 15 de marzu de 2010.
  20. ↑ Los datos recoyíos nesti apartáu tán sacaos del Anuario Iberoamericano 2012 del Real Institutu Elcano y l'Axencia Efe. Disponible en http://www.anuarioiberoamericano.es/
  21. ↑ La información sobro los datos xeográficos y demográficos del Distritu Federal y los Estaos mexicanos ta disponible na páxina web del INEGI. http://cuentame.inegi.gob.mx/monografias/default.aspx?tema=me.
  22. ↑ Los datos del censu 2010 tán disponibles na páxina web http://www.censo2010.org.mx

Enllaces esternos

[editar | editar la fonte]


Países d'América
Antigua y Barbuda | Arxentina | Les Bahames | Barbados | Belize | Bolivia | Brasil | Canadá | Chile | Colombia | Costa Rica | Cuba | Dominica | República Dominicana | Ecuador | Estaos Xuníos d'América | Granada | Guatemala | Guyana | Haití | Hondures | Méxicu | Nicaragua | Panamá | Paraguái | Perú | El Salvador | Saint Kitts y Nevis | Santa Llucía | San Vicente y Les Granadines | Surinam | Trinidá y Tobagu | Uruguái | Venezuela | Xamaica

Dependencies: Anguila | Les Bermudes | Islles Caimán | Clipperton | Guadalupe | Guyana Francesa | Groenlandia | Islles Malvines | Islles Turques y Caicos | Montserrat | Martinica | Puertu Ricu | Shag Rocks | Xeorxa del Sur y Sandwich del Sur

Sacáu de «https://ast.wikipedia.org/w/index.php?title=Méxicu&oldid=4261567»