Aldea

L'Aldea ye un pequeñu núcleu de población con menos de 2.000 habitantes que se dediquen fundamentalmente a les actividaes agropecuaries y a la esplotación forestal.

Al rodiu de les viviendes allúguense los campos de cultivu, les árees forestales y les fasteres de pastu. L'aldea campesina ye una agregación de caseríes ensin ordenamientu dalu. Reconocense principalmente nes árees montesines. Pero tamién esiste la variante de los pequeños pueblos de la costa que s'organicen al rodiu del puertu local.

Nel oriente y nel occidente d'Asturies presenten los rasgos tradicionales de les fasteres atrasaes, especialmente nel occidente: elevada proporción de pequeños propietarios, predominiu del minifundiu y población disperso.

El treslláu de la población haza árees industriales, que se produz con intensidá dende los años 50 del sieglu XX, orixinen nes aldees una demografía peravieyada y unos niveles de renta pembaxo de los de les fasteres urbanes. Col espoxigue del turismu rural ta intentándose reactivar les aldees convirtiendo les viviendes tradicionales en cases acondaes pal turismu o en residencies secundaries.