Sésil

El términu sésil (del llatín sessĭlliriu, aptu pa sentase) o sentada suelse utilizar en botánica pa espresar la falta d'un órganu que sirva de pies o soporte. Una fueya ye sésil si escarez de la so unión col tarmu o peciolu, nel casu de la flor, si escarez de pedúnculu, y l'antera llámase sésil si nun tien filamentu o ye bien curtiu.

El términu sésil úsase tamién en zooloxía pa referise a un organismu acuáticu que crez xuntáu, agarráu o enraigonáu nel so sustratu, del que nun se dixebra y sobre el que nun se mueve. Munchos organismos del bentos lo son. Como exemplos tenemos les esponxes, los corales, dalgunos moluscos bivalvos, como les ostres o los moxones (pero non les amasueles), los briozoos o los braquiópodos. Ente los crustáceos, los del orde cirrípedos, como percebes y balanos, ser tamién.