Circuitu de Zandvoort

Circuit Park Zandvoort ye un autódromu asitiáu al oeste de Haarlem y Zandvoort, Países Baxos, sobre'l Mar del Norte, unos 15 km al oeste de la ciudá d'Ámsterdam. El circuitu foi diseñáu por John Hugenholtz, encargáu tamién de los proyeutos de Jarama y Suzuka. Foi inauguráu'l 7 d'agostu de 1948 con un llargor d'aproximao 4.200 metros, que varió llixeramente a lo llargo de les décades. A finales de los 1980, Zandvoort foi remocicáu de forma radical y encurtiáu a 2.526 metros. En 1999 recuperáronse seiciones del trazáu orixinal, y la so estensión máxima aumentó a 4.300 metros.

Circuitu de Zandvoort
Circuit Park Zandvoort (en)
Autódromu
Llocalización
País	Reinu de los Países Baxos
País	Países Baxos
Provincia	Holanda Septentrional
Conceyu	Zandvoort
Coordenaes	52°23′18″N 4°32′35″E / 52.388292°N 4.543011°E / 52.388292; 4.543011
Circuitu de Zandvoort Circuitu de Zandvoort (Países Baxos)
Historia y usu
Gran Premiu de los Países Baxos
Llargor	4259 m
Web oficial

La primer carrera de Gran Premiu en Zandvoort foi en 1949. El circuitu foi sede del Gran Premiu de los Países Baxos de Fórmula 1 en toles sos ediciones, dende 1952 hasta 1985. Nesa dómina, la Fórmula 2 Europea y la Fórmula 3000 Internacional tamién compitieron ellí. Más apocayá, Zandvoort allugó una fecha puntuable del A1 Grand Prix ente les temporaes 2007/2008 y 2008/2009, y del Campeonatu Mundial de Turismos en 2007.

Anguaño'l circuitu acueye pruebes de la Fórmula 3 Euroseries y el Deutsche Tourenwagen Masters, ente otres competiciones. El Masters de Fórmula 3, una carrera fora de campeonatu qu'axunta a los meyores pilotos de Fórmula 3 de tol mundu, apostóse en Zandvoort en toes salvu dos ediciones.