Esia ìre ge me lek ebi kè ikpele lek ijọn̄ jaaba ìkukup me linyọn̄. Ọmọ omin ichit me etete ijọn̄ cha, ọmọ si ke ebi ene ewa me emen ichit. Ìkup me ìkike-iba linyọn̄ eyi agan̄ inyọn̄. Ìkup igbet lek Yurop mè Afirika. Okike ijọn̄ Esia obenbe ìre 44,479,000 km² ikat ikana; èyi òrere akọp irek ita me efit irek (30%) me ijọn̄ linyọn̄. Ego ene ini nchọi mè go (4.5 ego) eluk me emen; èyi òsisibi ke ire efele otutuuk ebi ene me linyọn̄ itap me efit irek, akọp irek gweregwen me lek efit irek ya (60%) eluk me Esia.

Esese inu eche Esia isan̄a me lek ikpele lek ijọn̄ kechilọ. Me agan̄ mbum-ura, îre Emen-awaji Pasifik; me agan̄ osiki, îre Emen-awaji India; me agan̄ inyọn̄, îre Emen-awaji Atik; okolo-ile eyi ido Tọkì ofele Esia isan̄a me lek Yurop; sà Okolo Sùwes mè Okwaan̄ Anyiaan̄ efele ọmọ isan̄a me lek Afirika.

Okolo-ile me ido Tọkì òcheche Esia isan̄a me lek Yurop. Okwaan̄ Ofifit ire eyi okup me inyọn̄ sà Okwaan̄ Marimara okup me irak. Okolo-ile ya olibi itibi mè ifele Yurop ito me agan̄ ujit sà Esia onikup me agan̄ ulom me lek ogugo ijọn̄ yi.

Akọp ido ini mè jeeta ekup me emen Esia

Nrọnnye