Eoceno

Las rocas eocenicas mas caracteristicas son en facies neriticas las calsineras nummuliticas y las d'alveolinas. En las zonas "cheosinclinals" predominan las formacions de flysch.

Las facies continentals mas abundants son los almendrons, las arenitas y los sallagons con cheso.

A la fin de lo Eoceno se produció una fase de deformación en los Alpes que segurament fació que se crebase la circulación entre la Mar de Tethys y l'Atlantico, lo que contribuiría refridar lo clima.

Fa 40 Ma se rechistran las primeras corrients de fondón en l'Antartida. Fa 35 Ma se rechistran las primeras cheleras en l'Antartida Oriental. Los oceanos s'enfrían de sopetón, (bels 4 °C). En los continents septentrionals apareix un clima estacional.

Se produció una gran actividat magmatica, y en son eixemplos los batolitos de Nuevo Mexico y los Andes meridionals, los basaltos de la India y las andesitas de los Carpatos.

En las plataformas continentals abundan los Nummulites. En medios continentals destacan los mamiferos. Bi ha una radiación de primates.

A la fin de lo Eoceno se produce una extinción masiva conoixida como la grande coupture, que beluns relacionan con un cambio climatico (baixada de la temperatura en las mars de 4 °C), y atros con una colisión d'un asteroide (anomalía de siderofilos acompanyada por esferulas de diferents midas), y mesmo con erupcions fisurals en l'ueste de Norteamerica. Esta extinción afectó muito a los mamiferos grans, y la distribución de continents contribuyó muito, por no haber-ie comunicación terrestre directa entre los continents septentrionals y los meridionals, lo que fació que muitas especies no podesen trobar refuchio en zonas mes calidas d'os continents meridionals.

• (es) Francisco Anguita Virella: Origen e historia de la Tierra. Editorial Rueda, 1988.