Planeta
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Una planeta (d'o latín < PLANETA[1] y iste d'o griego πλανήτης ("planētēs": «vagabundo u camandulero»)) ye un cuerpo sin de luz propia (que no ye, por tanto, una estrela) que chira arredol d'una estrela; que tien forma esferica, u cuasi esferica (ya que en tener prou masa, a suya gravedat supera as fuerzas d'o cuerpo richido); y que ye o elemento prencipal adintro d'a suya orbita; seguntes a definición d'a reunión d'a Unión Astronomica Internacional de Praga, de l'anyo 2006.[2] Asinas, se diz planeta a cadagún d'os cuerpos que describen orbitas elipticas arredol d'o Sol u, en cheneral, d'una estrela. Son planetas d'o sistema solar: Mercurio, Venus, a Tierra, Marte, Chupiter, Saturno, Urano y Neptuno. No'n son Ceres que se considera una planeta nana, ni Plutón, considerato o paradigma d'as planetas nanas transneptunianas muitas d'as cuals encara no tienen nombre.
Planetas d'o sistema solar
[editar | modificar o codigo]I hai ueito planetas en o nuestro sistema solar. Son (empecipiando per o mas amán d'o Sol): Mercurio, Venus, Tierra, Marte, Chupiter, Saturno, Urano y Neptuno.
Clasificación
[editar | modificar o codigo]Istas planetas pueden estar clasificadas en cuantas categorías seguntes a suya composición:
- Planetas terrestres: son planetas composadas prencipalment per rocas: Mercurio, Venus, Tierra y Marte.
- Planetas chigants: son as planetas muito mas masivas que los terrestres: Chupiter, Saturno, Urano y Neptuno.
A la suya vegada se pueden distinguir entre:
- Chigants gasiosas: que son composaus prencipalment per hidrocheno y oxicheno: Chupiter y Saturno.
- Chigants chelatas: que son composaus d'augua, metano y amonia con atmosferas densas de hidrocheno y helio: Urano y Neptuno.
Caracteristicas prencipals
[editar | modificar o codigo]| Planeta | Diametro ecuatorial* | Diametro ecuatorial (km) | Masa* | Radio orbital (UA) | Periodo orbital (anyadas) | Periodo de rotación (diyas) | Incl.** | Sat.*** | Composición de l'atmosfera |
|---|---|---|---|---|---|---|---|---|---|
| Mercurio | 0,39 | 4878 | 0,06 | 0,39 | 0,24 | 58,6667 | 7° | 0 | Trazas de hidrocheno y helio |
| Venus | 0,95 | 12100 | 0,82 | 0,72 | 0,615 | 243 | 3,4° | 0 | 96 % CO2, 3 % nitrocheno,0.1 % augua |
| Tierra | 1,00 | 12756 | 1,00 | 1,00 | 1,00 | 1,00 | 0° | 1 | 78 % nitrocheno, 21 % oxicheno, 1 % argón |
| Marte | 0,53 | 6787 | 0,11 | 1,52 | 1,88 | 1,03 | 1,9° | 2 | 95 % CO2, 1.6 % argón, 3 % nitrocheno |
| Chupiter | 11,2 | 142984 | 318 | 5,20 | 11,86 | 0,414 | 1,3° | 63 | 90 % hidrocheno, 10 % helio, trazas de metano |
| Saturno | 9,41 | 120536 | 95 | 9,54 | 29,46 | 0,426 | 2,5° | 61 | 96 % hidrocheno, 3 % helio, 0.5 % metano |
| Urano | 3,98 | 51108 | 14,6 | 19,19 | 84,01 | 0,718 | 0,8° | 27 | 84 % hidrocheno, 14 % helio, 2 % metano |
| Neptuno | 3,81 | 49538 | 17,2 | 30,06 | 164,79 | 0,6745 | 1,8° | 13 | 74 % hidrocheno, 25 % helio, 1 % metano |
* O diametro y masa s'expresan en relación a la Tierra ** Inclinación d'orbita (en relación con l'ecliptica) *** Satelites naturals
Exoplanetas
[editar | modificar o codigo]Os exoplanetas son aquellas planetas que son difuera d'o lo nuestro sistema solar. Dica octubre de 2019 s'han descubierto 4118 exoplanetas que orbitan en 3063 sistemas solars.
Referencias
[editar | modificar o codigo]- ↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
- ↑ (en) IAU 2006 General Assembly: Result of the IAU Resolution votes en a pachina web d'a Unión Astronomica Internacional
