Francisco Salamero Reymundo
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Francisco Salamero Reymundo | |
|---|---|
| Información personal | |
| Puesto de naixencia | Torres (Ribagorza) |
| Calendata de muerte | 18 de noviembre de 2017 |
| Edat | 88 ans |
| Puesto de muerte | Barcelona |
| Fillos | Francisco Salamero Prat |
Francisco Salamero Reymundo (Torres del Obispo, 1931 - Barcelona, 18 de noviembre de 2017)[1] va estar un medico y historiador ribagorzano que va exercer la chinecolochía moltos ans a Barcelona.[2] Va estar el fundador d'el consultorio Dr. Salamero a la calle Ganduxer de la Ciudat Condal, mes conoixiu per haber estau el precursor de l'Instituto Ginex[2] de chinecolochía (que actualment diriche su fillo).[2] Eba cofundador de l'Asociación Lliga Ribagorzana,[3] que va resucitar, en l'anyo 1997[4] el famoso periodico El Ribagorzano, editau a principios d'el siglo vint[3][5].
El doctor Salamero eba habllador materno de l' hablla de Torres y Chuseu (un microdialecto transicional d'entre l'aragonés y el catalán ribagorzanos, que s'hablla a los llugars de la vall d'el Sarrón) y un firme defensor de l'uso de l'aragonés ribagorzano, anque él va manifestar mes d'una vegada que lo consideraba una llengua independient de l'aragonés, anque variant de norte a sud y d'este a ueste,[3] a la que diba «llengua ribagorzana» u «ribagorzano».
Sobre el peculiarismo de l' hablla de Torres, n'i é molto expresiva la introducción que feba a'l suyo Léxico peculiar de Torres del Obispo (1991), anone la compara y delimita contra las demás habllas de la zona. El primer parrafo diu aixina:
En relación con la llengua, heba publicau bels articlos en revistas de filolochía y eba autor de dos vocabularios locals de la vall d'el Sarrón. En relación con la historia, una de las suyas grans pasions, eba autor de cuatro llibros y coeditor de la reedición d'un quinto[6], y heba escrito articlos y textos pa numerosas publicacions.
Obras
[editar | modificar o codigo]Come autor
[editar | modificar o codigo]- (es) Ensayo biográfico sobre Diego Cera, un grausino universal. Instituto de Estudios Altoaragoneses (1987) (traduciu a l'inglés en 2008).
- (es) Léxico peculiar de Torres del Obispo (Ribagorza): Semejanzas y diferencias con el castellano y el catalán. Institución Fernando el Católico (1991)
- (es) El valle del Sarrón. Un bello territorio ribagorzano. Ed. Val d'Onsera (1997).
- (es) Mujeres singulares. Semblanzas femeninas de la época medieval. Editorial Milenio (2007).
- (es) Felipa de Tolosa. Controvertida reina de Aragón. Editorial Milenio (2008).
Come a editor
[editar | modificar o codigo]- (es) Relación histórica y monografía del lugar de Torres del Obispo, de Ramón Burrel (1899). Coeditau con José-Ramón Doz Badías[6].
Referencias
[editar | modificar o codigo]- ↑ (es) Fallecimiento en La Vanguardia de 19 de noviembre de 2017, consultada o 15 d'agosto de 2018.
- ↑ 2,0 2,1 2,2 (es) Personal de Ginex; consultau el 6 d'abril de 2012.
- ↑ 3,0 3,1 3,2 (an) Fragmento d'el documental «Visions d'una llengua» d'Aurelio Bardaxí anone Fco. Salamero explica la suya vida.; consultau el 6 d'abril de 2012.
- ↑ (es) El Ribagorzano en El Periódico del Alto Aragón, consultau el 24 de setiembre de 2015.
- ↑ (es) «El Ribagorzano» en PirineosOrdesa.com; consultada el 6 d'abril de 2012.
- ↑ 6,0 6,1 (es) Reedición y continuación de la Historia de Torres del Obispo; conultada el 6 d'abril de 2012.
