Graus

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Graus
Municipio d'Aragón
Entidat  • País  • Provincia  • Comarca	Municipio  Aragón  Uesca Ribagorza
Partiu chudicial	Balbastro
Superficie	300,41 km²
Población  • Total  • Densidat	3415 hab. (2013) 11,37 hab/km²
Altaria  • Meyana	469 m.
Distancia  • 82 km	enta Uesca
Alcalde	José Antonio Lagüens Martín
Codigo postal	22430
Chentilicio	Grausino/a[1]
Parroquial  • Diocesi  • Arcipestrau  • Parroquia	Balbastro-Monzón Sobrarbe-Ribagorza Sant Miguel Arcánchel
Ríos	Esera
Coordenadas	42°11’26’’N 0°20’17’’E
Graus Graus en Aragón
Web oficial

Graus ye un municipio de la Comunidat Autonoma d'Aragón situato en la provincia de Uesca. Ye la capital administrativa de la comarca de Ribagorza.

La suya población ye de 3415 habitants en una superficie de 300,41 km², con una densidat de población de 11,37 hab/km².

Graus ye situau dichós unas penyas de la marguin dreita de lo río Esera a cantos de lo forcallo con lo río Isabana, a 469 metros d'altaria sobre lo livel d'a mar, a una distancia de 82 km de Uesca, la capital de la suya provincia.

La part de lo suyo termin municipal a lo sud de la sierra de Llaguarres ye la val de Sarrón.

A suya temperatura anyal ye 11.96 °C, con una temperatura meya en chinero de 2.93 °C y en chulio de 22.17 °C.^[2]

La luenga tradicional en Graus ye l'aragonés, en la suya variant ribagorzana local, una parla local dita grausino. Como capital d'una parzana en Ribagorza Baixa, la presencia de castellanoparlants ha estato tradicionalment mes grant que en atros lugars de Ribagorza Baixa. La presencia de castellanoparlants ha feito mes fácil que los habitants locals aprendesen antes lo castellano u se i avezasen mes. Esto explica la paradoxa que lo grausino siga mes castellanizato que atras parlas de Ribagorza Baixa mes meridionals como lo foncense u l'estadillano. La castellanización de Graus tamién ha influito en lo catalán de la val d'Isabana, (y en las parlas de transición catalán-aragonés de la parte baixa d'ixa val). En las zagueras decadas lo grausino s'ha castellanizato muito y la chent choven que encara charra u conoixe l'aragonés no emplega muitos rasgos chenuinos que feban servir u conoixeban las cheneracions mes viellas.

Por la suya importancia como una de las capitals de Ribagorza que ha recibito part de lo exodo rural d'esta comarca, en Graus tamién bi ha catalanoparlants, orichinarios de lugarons y aldeyas mes orientals de Ribagorza.

Lo catalán ye una de las luenguas posibles ta esleyir en la ensenyanza escolar.

Remiro I d'Aragón, primer rei aragonés, trobó muerte en 1064 cuan prebaba de conquistar Graus. Los cristianos de lo reino d'Aragón reconquerioron Graus en 1083 con Sancho Remíriz. Lo rei cedió Graus a lo monesterio de Sant Veturián pa que lo reconstruise y repoblase, atorgando importants privilechios a qui poblase Graus.

Lo rei Pero II concede a la villa o títol de mui noble y mui antiga, que conserva dica huei.

En los sieglos XVI y XVII bi ha gran explendor economico, que fa que i haiga mecenache y construcción de grans casas-palacio como las de la Plaza Mayor. N'esta epoca se construye la Basilica de Nuestra Sinyora de la Penya.

• Casa de la Villa, d'estilo renaixentista.
• Casa-palacio d'el Barón, d'estilo renaixentista.
• Casa-palacio de los Heredia, d'estilo renaixentista encara que fue esviellata en estilo neoclasico.
• Casa-palacio de los Bardaxí, d'estilo neoclasico.
• Palacio de Rodrigo de Mur, d'estilo renaixentista.
• Basilica de Nuestra Sinyora de la Penya, de lo sieglo XVI.

• 24 de chunio, tradicionalment s'encendeban fogueras y s'iba a beber augua a siet fuents.^[5]
• 12 al 15 de setiembre, fiestas mayors.
• 29 de setiembre: feria de Sant Miguel.
• 13 d'aviento: feria de Santa Lucía.

• Ciclope de Graus.

• Se veigan as imáchens de Commons sobre Graus.
• Pachina web oficcial municipal.
• diccionario grausín.
• Ficha de la población.
• Poema escrito en grausino.
• Toponimia de la Baja Ribagorza Occidental.