Tirano

Tirano isch en iteliäneschi Stadt i dr Provinz Sondrio.

Dr Oort lyt im Vältlyn am Fluss Adda. Bi Tirano chunt s Sytedaal vom Poschiavino, s Val Poschiavo, is Vältlyn abe. Dur das Daal und d Schwiizer Gmaind Poschiavo goot d Strooss übere Berninapass is Engadin, und dur s Daal lauft au d Berninabaan, e Zwäiglinie vo dr Räätische Baan.

Im 12. Jaarhundert isch Tirano e freji Gmäind gsi. Vo ane 1335 aa het d Stadt zu Mailand ghört, bis si ane 1512 vo de Bündner eroberet worden isch.

1797 het sech s Vältlyn dr Cisalpinische Republik aagschlosse.

• t Stadtmuure
• d Stadtchile vom Heilige Martin
• dr Palazzo Salis
• dr Palazzo Pretorio
• dr Palazzo Marinoni
• dr Palazzo Torelli
• dr Palazzo Pievani
• t Chile vo Madonna di Tirano

• Martin Bundi: Tirano. In: Historisches Lexikon vo dr Schwiiz.

 Commons: Tirano – Sammlig vo Multimediadateie

• Website vo dr Stadt Tirano