Thornton Wilder

Dr Thornton Niven Wilder (* 17. April 1897 z Madison, Wisconsin; † 7. Dezämber 1975 z Hamden, Connecticut) isch en amerikanische Schriftsteller gsy.

Dr Wilder isch mit sym Vatter, wo dää amerikanische Gäneralkonsuul z Hongkong woorden isch, mit iim uf China ggange. Spöter het er scho als Schüeler a dr Thacher School z Kalifornie agfange mit Schrybe. Sit 1915 het er in Ohio und drno ad Yale Universität studiert. 1920 isch er für eis Joor uf Rom. Denn het er als Lehrer gschaffet, und 1915 isch er Master of Arts in Französisch woorde.

Syn Roman Die Brücke von San Luis Rey het en grosse Erfolg gha. Er het drfüür 1928 dr Pulitzer-Prys überchoo. Und ane 1938 het er au no für s Wäärch Öisi chlyni Stadt dr Pulitzer-Prys übercho, und en dritte sogar no für s Theaterstuck The Skin of Our Teeth. 1957 het er dr Fridensprys vom Dütsche Buechhandel übercho.

Dr Wilder het dänn a dr Uni vo Chicago gleert. Im Zwöite Wältchrieg isch er bim Nachrichtedienscht vo dr amerikanische Luftwaffe gsy.

Won er uf ere Reis mol e Zyt lang uf Züri cho isch, het er schynts en homosexuelli Bezieig mit em Samuel Steward ghaa. Me het usegfunde, ass dr Wilder bim Umelaufe mit em Steward z Züri d Idee für dr dritt Akt vom Theaterstuck Öisi chlyni Stadt gfunde heig.^[1]

• The Cabala, Roman, 1926
• The Bridge of San Luis Rey, Roman, 1927
• The Woman of Andros, Roman, 1930
• Heaven’s My Destination, Roman, 1935
• The Ides of March, Roman, 1948
• The Eighth Day, Roman, 1967
• Theophilus North, Roman, 1973
• We Live Again, Dräibuech, 1934
• Our Town, Dräibuech, 1940
• Im Schatten des Zweifels, Dräibuech, 1943
• The Trumpet Shall Sound, Theater, 1926
• The Angel That Troubled Waters and Other Plays, Theater, 1928
• The Long Christmas Dinner and Other Plays in One Act, Theater, 1931
• Our Town, Theater, 1938 – uf Tüütsch Öisi chlyni Stadt
• The Merchant of Yonkers, Theater, 1938
• The Skin of Our Teeth, Theater, 1943
• The Matchmaker, Theater, 1954
• The Alcestiad, or, A Life in the Sun, Theater, 1955
• Childhood, Theater, 1960
• Infancy, Theater, 1960
• Plays for Bleeker Street, Theater, 1962

• Richard H. Goldstone, Gary Anderson: Thornton Wilder. An Annotated Bibliography of Works, by and about Thornton Wilder. AMS Press, New York, NY 1982 ISBN 0-404-18046-9 (AMS studies in modern literature, 7)
• Claudette Walsh: Thornton Wilder. A Reference Guide, 1926–1990. Hall u. a., New York, NY 1993 ISBN 0-8161-8790-8

 Commons: Thornton Wilder – Sammlig vo Multimediadateie

• The Thornton Wilder Society

1. ↑ Samuel Steward: Dear Sammy. Letters from Gertrude Stein & Alice B. Toklas. 1977. ISBN 0395253403, S. 32.